ଜନ୍ମ ହେଲେ ବିଶ୍ୱର ସବୁଠାରୁ ଛୋଟିଆ ମାଙ୍କଡ଼, ଆକାର ପିଙ୍ଗ୍ ପଙ୍ଗ୍ ବଲ୍ ଠାରୁ ବଡ଼ ନୁହେଁ
ନୂଆଦିଲ୍ଲୀ: ଦୁନିଆର ସବୁଠାରୁ ଛୋଟ ମାଙ୍ଗଡ଼ । ଆପଣଙ୍କର ଭାବନା ଠାରୁ ମଧ୍ୟ ମାଙ୍କଡ଼ଙ୍କର ଆକାର ଛୋଟ । ବ୍ରିଟେନର ଚେଷ୍ଟର ପ୍ରାଣୀ ଉଦ୍ୟାନରେ ଦୁଇଟି ଯାଆଁଳା ମାଙ୍କଡ଼ ଜନ୍ମ ନେଇଛନ୍ତି । ପ୍ରତ୍ୟେକ ମାଙ୍କଡ଼ର ଲମ୍ଭା ୨ ଇଞ୍ଚ ଏବଂ ଓଜନ ରହିଛି ମାତ୍ର ୧୦ ଗ୍ରାମ । ଏବେ ଟିକେ ଆପଣ ଚିନ୍ତା କରନ୍ତୁ ।
ମାଙ୍କଡ଼ର ଆକାର କେତେ ବଡ଼ ହୋଇଥିବ । କୌତୁହଳର ବିଷୟ ହେଉଛି ଯେ ସେମାନେ ‘ପିଙ୍ଗ୍ ପଙ୍ଗ୍ ବଲ୍ ଠାରୁ ବଡ଼ ନୁହଁନ୍ତି’ ଦୁନିଆର ସବୁଠାରୁ ଛୋଟ ମାଙ୍କଡ଼ମାନଙ୍କ ମଧ୍ୟରୁ ଏମାନେ ହେଉଛନ୍ତି ଗୋଟିଏ ।
ଏହି କ୍ଷୁଦ୍ର ପ୍ରାଇମେଟ ଗୁଡ଼ିକ ଦୁନିଆର ସବୁଠାରୁ ଛୋଟ ମାଙ୍କଡ଼ ପ୍ରଜାତି ମଧ୍ୟରୁ ଏଷ୍ଟର୍ଣ୍ଣ ପିଗିମି ମାର୍ମୋସେଟ ଭାବରେ ଚିହ୍ନଟ ହୋଇଛି । ସେହି ଦୁଇଟି ମାଙ୍କଡ଼ଙ୍କ ଆକାର ବହୁତ ଛୋଟ ହୋଇଥିବାରୁ ସେମାନଙ୍କର ଲିଙ୍ଗ ଏପର୍ଯ୍ୟନ୍ତ ପ୍ରକାଶ କରାଯାଇ ନାହିଁ ବୋଲି ଚେଷ୍ଟର ପ୍ରାଣୀ ଉଦ୍ୟାନର ଜୁକିପରଙ୍କ କହିଛନ୍ତି । ଜୋ ଏବଂ ବାଲଡ୍ରିକ୍ ହେଉଛନ୍ତି ଏହି ଦୁଇ ଛୁଆ ମାଙ୍କଡ଼ଙ୍କର ବାପା ମାଆ, ଯାହାଙ୍କର ବୟସ ତିନି ଏବଂ ଚାରି ବର୍ଷ ।
ପ୍ରାଇମେଟ ରକ୍ଷକ ହୋଲି ୱେବ୍ କହିଛନ୍ତି, “ମମ୍ ଜୋ ଏବଂ ବାପା ବାଲଡ୍ରିକ୍ ସିଧାସଳଖ ଏବେ ବାପା ମାଆଙ୍କର କାର୍ଯ୍ୟ କରୁଛନ୍ତି । “ବାଲଡ୍ରିକ୍ ଅନୁଭବ କରିଛନ୍ତି ଯେ ଜୋ ପ୍ରସବ କରିବାକୁ ପ୍ରସ୍ତୁତ ଅଛନ୍ତି । ଯାଆଁଳା ଶିଶୁଙ୍କ ଯତ୍ନ ନେବା ପାଇଁ ତାଙ୍କୁ ଶକ୍ତି ଦେବା ପାଇଁ ଟିକେ ଅଧିକ ଧ୍ୟାନ ଦେଉଛନ୍ତି ବାପା ବାଲଡ୍ରିକ୍ ।
