ଆଜିଠୁ ବିହାରରେ ନୀତୀଶ-ତେଜସ୍ୱୀ ରାଜ୍, ଅଷ୍ଟମ ଥର ପାଇଁ ମୁଖ୍ୟମନ୍ତ୍ରୀ ହେଲେ ନୀତୀଶ

ପାଟନା: ବିହାରରେ ଆରମ୍ଭ ହେଲା ନୂଆ ସରକାର । ଆଜିଠୁ ବିହାରରେ ଆରମ୍ଭ ହେଲା ନୀତୀଶ-ତେଜସ୍ୱୀ ରାଜ୍ । ମୁଖ୍ୟମନ୍ତ୍ରୀ ଭାବେ ଶପଥ ନେଲେ ନୀତୀଶ କୁମାର । ଅଷ୍ଟମ ଥର ପାଇଁ ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କଲେ ନୀତୀଶ କୁମାର । ପଦ ଓ ଗୋପନୀୟତାର ଶପଥ ପାଠ କରାଇଲେ ରାଜ୍ୟପାଳ । ସେହିପରି ଭାବରେ ଦ୍ୱିତୀୟ ଥର ପାଇଁ ଉପମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି ଆରଜେଡି ମୁଖ୍ୟ ତେଜସ୍ୱୀ ଯାଦବ । ଏହା ସହ ତେଜସ୍ୱୀ ଗୃହ ବିଭାଗ ମଧ୍ୟ ଚାହିଁଛନ୍ତି ।

ବିହାରରେ ହୋଇଥିବା ନୂଆ ସରକାରରେ ୩୫ ମନ୍ତ୍ରୀ ରହିବେ । ଏହି ମନ୍ତ୍ରୀମଣ୍ଡଳରେ କଂଗ୍ରେସ ଓ ହାମ୍ ସଦସ୍ୟ ବି ସ୍ଥାନ ପାଇବେ । ଏତିରେ ଆରଜେଡିର ୧୬, ଜେଡିୟୁର୧୩, କଂଗ୍ରେସର ୪ ବିଧାୟକ ଓ ହାମର ଜଣେ ବିଧାୟକ ମନ୍ତ୍ରୀ ପଦର ଶପଥ ନେବେ ବୋଲି କୁହାଯାଉଛି । ନୂଆ ସରକାର ପାଇଁ ୭ଟି ଦଳର ୧୬୪ ବିଧାୟକଙ୍କ ସମର୍ଥନ ଥିବା ନୀତୀଶ କହିଛନ୍ତି । ଗତକାଲି ରାଜ୍ୟପାଳଙ୍କୁ ଭେଟି ନୀତୀଶ ମୁଖ୍ୟମନ୍ତ୍ରୀପଦରୁ ଇସ୍ତଫା ଦେଇଥିବା ବେଳେ ମହାମେଣ୍ଟ ସହ ମିଶି ସରକାର ଗଢ଼ିବେ ବୋଲି ଘୋଷଣା କରିଥିଲେ ।