ନୀତିଶ ଜିତିଲେ ଆସ୍ଥା ଭୋଟ୍

ପାଟନା: ଫ୍ଲୋର ଟେଷ୍ଟରେ ବିହାର ମୁଖ୍ଯମନ୍ତ୍ରୀ ନୀତୀଶ କୁମାର ପାସ୍। ମ୍ଯାଜିକ ନମ୍ବର ୧୨୨ ଠାରୁ ଅଧିକ ୭ ଭୋଟ ପାଇଛନ୍ତି ନୀତୀଶ। ଗୃହରେ ନୀତୀଶଙ୍କୁ ମିଳିଥିଲା ୧୨୯ ଭୋଟ। ସରକାରଙ୍କ ନୀତିକୁ ବିରୋଧ କରି ବିରୋଧୀ ଦଳର ସମସ୍ତ ସଦସ୍ଯ କରିଥିଲେ କକ୍ଷତ୍ଯାଗ। ଆସ୍ଥା ଭୋଟ ଆଲୋଚନା ବେଳେ ମୁଖ୍ୟମନ୍ତ୍ରୀ ନୀତୀଶ କୁମାରକୁ ତୀବ୍ର ସମାଲୋଚନା କରିଥିଲେ ଆରଜେଡି ନେତା ତେଜସ୍ଵୀ ଯାଦବ। ଏହା ପୂର୍ବରୁ ଅନାସ୍ଥା ପ୍ରସ୍ତାବ ଜରିଆରେ ହଟିଥିଲେ ବାଚସ୍ପତି ଅୱଧ ବିହାରୀ ଚୌଧୁରୀ। ବାଚସ୍ପତିଙ୍କ ବିରୋଧରେ ପଡିଥିଲା ୧୨୫ ଭୋଟ। ସପକ୍ଷରେ ୧୧୨ ଭୋଟ ପଡିଥିଲା।  ଆଜି ଫ୍ଲୋର ଟେଷ୍ଟ ଲାଗି ଗୃହ ଆରମ୍ଭରେ ଅଭିଭାଷଣ ରଖିଥିଲେ ରାଜ୍ୟପାଳ। ୨୪୩ ଆସନ ବିଶିଷ୍ଟ ବିହାର ବିଧାନସଭାରେ ବିଜେପି ଓ ଜେଡିୟୁ ମେଣ୍ଟ ସଦସ୍ଯଙ୍କ ୧୨୮ ରହିଛି। ବିଜେପିର ୭୮, ଜେଡିୟୁର ୪୫, ହାମ-ଏସର ୪ ଓ ଜଣେ ସ୍ବାଧୀନ ବିଧାୟକ ଅଛନ୍ତି। ସେପଟେ ବିରୋଧୀ ମେଣ୍ଟରେ ଅଛନ୍ତି ୧୧୪ ସଦସ୍ୟ। ଆରଜେଡିର ୭୯, କଂଗ୍ରେସର ୧୯, ସିପିଏମଏଲ(ଏଲ)ର ୧୨, ସିପିଏମର ୨ ଓ ସିପିଆଇର ୨ ବିଧାଯକ ଅଛନ୍ତି। କୌଣସି ମେଣ୍ଟରେ ସାମିଲ ହୋଇନି ଏଆଇଏମଆଇଏମ। …