ବିହାରରେ ହେବ ଜାତିଭିତ୍ତିକ ଜନଗଣନା, ସର୍ବଦଳୀୟ ବୈଠକରେ ସହମତି

ପାଟଣା: ବିହାରରେ ଜାତିଭିତ୍ତିକ ଜନଗଣନା ପାଇଁ ପଥ ପରିଷ୍କାର ହୋଇଛି । ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ଅଧ୍ୟକ୍ଷତାରେ ଆଜି ବସିଥିବା ସର୍ବଦଳୀୟ ବୈଠକରେ ଜାତିଭିତ୍ତିକ ଜନଗଣନା ପ୍ରସ୍ତାବ ଅନୁମୋଦନ ଲାଭ କରିଛି । ଜାତିଭିତ୍ତିକ ଜନଗଣନା ପ୍ରସ୍ତାବକୁ ପ୍ରଥମେ ବିରୋଧ କରିଆସିଥିବା ବିଜେପି ମଧ୍ୟ ଏହାକୁ ସମର୍ଥନ କରିଛି । ନୀତୀଶ ସରକାରରେ ପୂର୍ବରୁ ଉପମୁଖ୍ୟମନ୍ତ୍ରୀ ଥିବା ବରିଷ୍ଠ ବିଜେପି ନେତା ସୁଶୀଲ ମୋଦି କହିଛନ୍ତି ଯେ, ତାଙ୍କ ଦଳ କେବେ ବି ଜାତିଭିତ୍ତିକ ଜନଗଣନାକୁ ବିରୋଧ କରିନାହିଁ । ବିହାର ବିଧାନସଭାରେ ଏ ସଂପର୍କିତ ପ୍ରସ୍ତାବକୁ ମଧ୍ୟ ଦଳ ସମର୍ଥନ କରିଥିଲା ବୋଲି ସୁଶୀଲ ମୋଦି କହିଛନ୍ତି । ପ୍ରସ୍ତାବକୁ ସବୁ ଦଳ ସମର୍ଥନ କରିଛନ୍ତି ।

ଖୁବ ଶୀଘ୍ର ରାଜ୍ୟ କ୍ୟାବିନେଟରେ ଏ ସଂପର୍କିତ ପ୍ରସ୍ତାବ ଗୃହୀତ କରାଯିବ ବୋଲି ମୁଖ୍ୟମନ୍ତ୍ରୀ ନୀତୀଶ କୁମାର କହିଛନ୍ତି । ସାଧାରଣ ଜନଗଣନା ଭଳି ଜାତିଭିତ୍ତିକ ଜନଗଣନା ହେବ । ଜାତିଭିତ୍ତିକ ଜନଗଣନା ପାଇଁ ଆରଜେଡି ପ୍ରଥମେ ପ୍ରସ୍ତାବ ଦେଇଥିଲା । ଏହାକୁ ଜେଡିୟୁ ସମର୍ଥନ କରିଥିଲା ।