ଗଡ଼କରୀଙ୍କ ଚେତାବନୀ: ଷ୍ଟିଲ୍ ଦର ହ୍ରାସ ନକଲେ ସିନ୍ଥେଟିକ୍ ଫାଇବରର ବ୍ୟବହାରକୁ ଦିଆଯିବ ଅନୁମତି

ନୂଆଦିଲ୍ଲୀ: ଷ୍ଟିଲ୍ ନର୍ମାଣକାରୀ କମ୍ପାନୀଗୁଡ଼ିକୁ କେନ୍ଦ୍ରମନ୍ତ୍ରୀ ନୀତିନ ଗଡ଼କରୀଙ୍କ ଗୁଗଲି । ନିର୍ମାଣ କାର୍ଯ୍ୟ ପାଇଁ ଷ୍ଟିଲ୍ ପରିବର୍ତ୍ତେ ସିନ୍ଥେଟିକ୍ ଫାଇବରର ବ୍ୟବହାରକୁ ଅନୁମତି ଦିଆଯିବ ବୋଲି କହିଛନ୍ତି କେନ୍ଦ୍ର ସଡ଼କ ଓ ପରିବହନ ମନ୍ତ୍ରୀ ନୀତିନ ଗଡ଼କରୀ । ଲଗାତାର ଭାବେ ଷ୍ଟିଲ୍ ନିର୍ମାଣକାରୀ କମ୍ପାନୀଗୁଡ଼ିକ ଷ୍ଟିଲ ଦରରେ ବୃଦ୍ଧି କରୁଥିବା ବେଳେ ସେ ଏଭଳି କହିଛନ୍ତି । ଏଥିସହିତ ସିମେଣ୍ଟ କମ୍ପାନୀଗୁଡ଼ିକ ମଧ୍ୟ ସମାନ ଆଭିମୁଖ୍ୟ ଆପଣାଇଥିବା ଶ୍ରୀ ଗଡ଼କରୀ କହିଛନ୍ତି ।

          ମୁମ୍ୱାଇରେ ଅନୁଷ୍ଠିତ ଏକ ଶିଳ୍ପ ଅନୁଷ୍ଠାନର ପ୍ରତିଷ୍ଠା ଦିବସ କାର୍ଯ୍ୟକ୍ରମରେ ଯୋଗଦେଇ ସେ କହିଛନ୍ତି ଯେ, ଷ୍ଟିଲର ଦର ବୃଦ୍ଧି ଯଥାର୍ଥ ନୁହେଁ । କଞ୍ଚାମାଲ, ଶ୍ରମିକ ଓ ବ୍ୟବହାର ହେଉଥିବା ଶକ୍ତି ନିମନ୍ତେ ଖର୍ଚ୍ଚରେ କୌଣସି ପ୍ରକାର ବୃଦ୍ଧି ଘଟିନଥିବା ବେଳେ ବାରମ୍ୱାର ଷ୍ଟିଲ୍ କମ୍ପାନୀଗୁଡ଼ିକ ଦରବୃଦ୍ଧି କରୁଛନ୍ତି । ଯାହାର କୌଣସି ଯଥାର୍ଥତା ନାହିଁ । ଏଣୁ ଆମେ ସିନ୍ଥଟିକ ପାଇବର ଯୋଗାଇବାକୁ ଯୋଜନା କରୁଥିବା କହିଛନ୍ତି କେନ୍ଦ୍ରମନ୍ତ୍ରୀ ।

ଏଥିସହିତ ପଢ଼ନ୍ତୁ: ରିଲରୁ ରିୟଲ ହେଲା ‘ନାୟକ’ ଫିଲ୍ମର କାହାଣୀ, ଦିନକ ପାଇଁ ମୁଖ୍ୟମନ୍ତ୍ରୀ ହେଲେ ଛାତ୍ରୀ

ରାସ୍ତା  ଓ ବ୍ରିଜ ନିର୍ମାଣରେ ପାଖାପାଖି ୪୦ ପ୍ରତିଶତ ଷ୍ଟିଲ୍ ବ୍ୟବହାର କରାଯାଉଛି । ଯଦି ସେମାନେ ଦର ହ୍ରାସ ନକରନ୍ତି ତେବେ ଆମେ ଷ୍ଟିଲର ଅଲଟନେଟିଭ ବ୍ୟବହାର ନେଇ ଅନୁମତି ଦେବୁ ବୋଲି ଚେତାଇ ଦେଇଛନ୍ତି ଶ୍ରୀ ଗଡ଼କରୀ ।