ରାଜ୍ୟ ସରକାରଙ୍କ ସହ ନୀତି ଆୟୋଗ ଉପଦେଷ୍ଟା ଟିମର ବୈଠକ, ରାଜ୍ୟର ନିଜସ୍ୱ ଯୋଜନା ସାମିଲ ଦାବି

ଭୁବନେଶ୍ୱର: ଓଡ଼ିଶାରେ ନୀତି ଆୟୋଗ ଉପଦେଷ୍ଟା ଟିମ୍ । ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ସଚିବାଳୟରେ ବୈଠକ ଚାଲିଛି । SDG ଇଣ୍ଡେକ୍ସ ୨୦୨୦-୨୧ ନେଇ ଆଲୋଚନା ଚାଲିଛି । ରାଜ୍ୟରେ ଅର୍ଥନୈତିକ, ମୌଳିକ, ବ୍ୟାକିଂ, ଶିକ୍ଷା କ୍ଷେତ୍ରରେ କିପରି ଅଭିବୃଦ୍ଧି ହେଉଛି ସେନେଇ ଆଲୋଚନା ହେଉଛି । ରାଜ୍ୟରେ ନାତି ଆୟୋଗର ଉପଦେଷ୍ଟା ଟିମ ପହଁଚିବାରେ ତାଙ୍କୁ ସ୍ୱାଗତ କରାଯାଇଥିଲା । ପରେ ରାଜ୍ୟ ସରକାରଙ୍କ ସହ ଏକ ଗୁରୁତ୍ୱପୂର୍ଣ୍ଣ ବୈଠକ ଜାରି ରଖିଛନ୍ତି ଏହି ଟିମ  । ରାଜ୍ୟର ବିଭିନ୍ନ ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ସରକାରଙ୍କ ସହ ଆଲୋଚନା ଜାରି ରଖିଛନ୍ତି ନୀତି ଆୟୋଗ ଟିମ ।

ନୀତି ଆୟୋଗଙ୍କ ସଷ୍ଟେନେବୁଲ ଡେଭଲପମେଣ୍ଟ ଗୋଲ ସର୍ଭେର ରାଜ୍ୟର ନିଜସ୍ବ ଯୋଜନାକୁ ମଧ୍ୟ ସାମିଲ କରାଯାଉ । ଆଜି ନୀତି ଆୟୋଗଙ୍କ ଉପଦେଷ୍ଟା ଟିମ ନିକଟରେ ଏହି ଦାବି ରଖିଛନ୍ତି ରାଜ୍ୟ ସରକାର । ସଷ୍ଟେନେବୁଲ ଡେଭଲେମେଣ୍ଟ ଗୋଲ ମାର୍କିଂ ନେଇ ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ବୈଠକ ହୋଇଥିଲା । ଏଥିରେ ରାଜ୍ୟର ସବୁ ବିଭାଗୀୟ ଅଧିକାରୀ ଯୋଗ ଦେଇଥିଲେ । ୨୦୧୮ରେ ହୋଇଥିବା ସର୍ଭେରେ ରାଜ୍ୟକୁ ୫୧ ମାର୍କ ମିଳିଥିଲା । ୨୦୨୦ରେ ୬୧ ମାର୍କ ମିଳିଛି । ରାଜ୍ୟର ଅନେକଗୁଡିଏ ନିଜସ୍ବ ଯୋଜନାର ସଫଳତାକୁ ଏସଡିଜି ରିପୋର୍ଟରେ ଗ୍ରହଣ କରାଯାଇନାହିଁ ।

ଏହିସବୁ ଯୋଜନାକୁ ଆଗାମୀ ଦିନରେ ମାର୍କିଂ ଭାବେ ଗ୍ରହଣ କରିବାକୁ ନୀତି ଆୟୋଗ ଉପଦେଷ୍ଟା ଆଶ୍ବାସନା ଦେଇଛନ୍ତି । ଏଥିସହିତ ସଫଳତା ଆଧାରିତ ତଥ୍ୟକୁ ତୃଣମୂଳ ସ୍ତରରୁ ଗ୍ରହଣ କରିବାକୁ ମଧ୍ୟ ରାଜ୍ୟ ସରକାର ପ୍ରସ୍ତାବ ଦେଇଛନ୍ତି । ସେହିପରି ନୀତି ଆୟୋଗଙ୍କ ସହ ନିୟମିତ ଯୋଗାଯୋଗରେ ରହିବାକୁ ୭ଟି ୱାର୍କିଂ ଟିମ ଗଠନ କରାଯିବ । ୨୦୩୦ ସୁଦ୍ଧା ଲକ୍ଷ୍ୟ ରଖାଯାଇଥିବା ଟାର୍ଗେଟ ପୂରଣ ନେଇ ରାଜ୍ୟ ସରକାର ଯୋଜନା କରୁଛନ୍ତି