ମହିଳା ସ୍ବୟଂ ସହାୟକ ଗୋଷ୍ଠୀଙ୍କୁ ନିତି ଆୟୋଗର ପ୍ରଶଂସା

1 min read

ଭୁବନେଶ୍ବର: ଓଡ଼ିଶାର ମହିଳା ସ୍ବୟଂ ସହାୟକ ଗୋଷ୍ଠୀଙ୍କୁ ନିତି ଆୟୋଗର ପ୍ରଶଂସା । ଏକ ନିର୍ଦ୍ଦିଷ୍ଟ ସମୟ ମଧ୍ୟରେ ସମସ୍ତ ପଦ୍ଧତି ସମ୍ପୂର୍ଣ୍ଣ କରି ରାଜ୍ୟର ବିଭିନ୍ନ ମହିଳା ଏସଏଚଜି ଟେକ୍ ହୋମ୍ ରାସନ ବା ଟିଏଚଆର କାର୍ଯ୍ୟକ୍ରମକୁ ସମ୍ପାଦନ କରୁଛନ୍ତି । ଗହମ, ଚାଉଳ କିଣିବାଠାରୁ ଆରମ୍ଭ କରି ଏହାକୁ ପ୍ରୋସେସ କରି ଖାଦ୍ୟ ସାମଗ୍ରୀ ଘରେ ପହଞ୍ଚାଇବା ପର୍ଯ୍ୟନ୍ତ ସବୁ କିଛି ସମ୍ପାଦନା କରୁଛନ୍ତି ମହିଳା ସ୍ବୟଂ ସହାୟକ ଗୋଷ୍ଠୀ । ଏସବୁ କାମ ପାଇଁ ସମସ୍ତ ଏସଏଚଜି ପାଖରେ ଆବଶ୍ୟକୀୟ ସରଞ୍ଜାମ ସହିତ ଖାଦ୍ୟ ନିରାପତ୍ତା କର୍ତ୍ତୃପକ୍ଷଙ୍କ ଠାରୁ ଲାଇସେନ୍ସ ମଧ୍ୟ ରହିଛି । ଏସଏଚଜିର ଏଭଳି କାର୍ଯ୍ୟକୁ ନିତି ଆୟୋଗ ସ୍ବତନ୍ତ୍ର ରିପୋର୍ଟରେ ସ୍ଥାନ ଦେଇଛନ୍ତି  ।

ପ୍ରତିମାସ ୧୦ତାରିଖରେ ଏଫସିଆଇରୁ ଏସଏଚଜି ମାନେ ଚାଉଳ, ଗହମ ସଂଗ୍ରହ କରି ଏଥିରୁ ଛତୁଆ ଓ ଅନ୍ୟ ଖାଦ୍ୟ ସାମଗ୍ରୀ ପ୍ରସ୍ତୁତ କରିଥାନ୍ତି । ସେହିଭଳି ପ୍ରତିମାସ ୧୭ ତାରିଖରେ ପ୍ରସ୍ତୁତି କାମ ସରୁଥିବାବେଳେ ୨୯ ତାରିଖ ସୁଦ୍ଧା ଏହାର ବଣ୍ଟନ ଦାୟିତ୍ବ ମଧ୍ୟ ତୁଲାଇଥାନ୍ତି ।

About Post Author

[DISPLAY_ULTIMATE_SOCIAL_ICONS]