ଦୁଇଟି ଭାଗରେ ରିଲିଜ ହେବ ନୀତେଶ ତିୱାରୀଙ୍କ ଫିଲ୍ମ ‘ରାମାୟଣ’
1 min read
ନନ୍ଦିଘୋଷ ବ୍ୟୁରୋ : ନୀତେଶ ତିଓ୍ୱାରୀଙ୍କ ଆଗାମୀ ଚର୍ଚ୍ଚିତ ଫିଲ୍ମ ରାମାୟଣର ଚାଲିଛି ସୁଟିଂ । ଚଳଚ୍ଚିତ୍ରର କାଷ୍ଟିଂ ଠାରୁ ଆରମ୍ଭ କରି VFX ଏବଂ ଦଳର ସଦସ୍ୟଙ୍କ ଏଣ୍ଟ୍ରି-ଏକ୍ଜିଟ୍ ପର୍ଯ୍ୟନ୍ତ ଅନେକ ବଡ ଅପଡେଟ୍ କ୍ରମାଗତ ଭାବରେ ବାହାରକୁ ଆସୁଛି | ନିର୍ମାତାମାନେ ଏପର୍ଯ୍ୟନ୍ତ କୌଣସି ପ୍ରକାର ତଥ୍ୟ ଘୋଷଣା କରିନାହାଁନ୍ତି, କିନ୍ତୁ ଫିଲ୍ମ ବିଷୟରେ ବଡ଼ ଗୁଜବ ସାମ୍ନାକୁ ଆସିଛି। ଫିଲ୍ମର ସେଟରୁ ଲିକ୍ ହୋଇଥିବା ଚିତ୍ରଗୁଡ଼ିକରେ ରଣବୀର କପୁରଙ୍କୁ ପ୍ରଭୁ ରାମଙ୍କ ଭୂମିକାରେ ଦେଖିବା ପରେ ପ୍ରଶଂସକଙ୍କ ଖୁସିର ସୀମା ନାହିଁ।
ତେବେ ସୂଚନା ଅନୁଯାୟୀ ‘ରାମାୟଣ’ର ଷ୍ଟାର କାଷ୍ଟିଙ୍ଗରେ ଅରୁଣ ଗୋବିଲ ରାଜା ଦଶରଥଙ୍କ ଭୂମିକାରେ ଅଭିନୟ କରୁଛନ୍ତି। ଅନ୍ୟପକ୍ଷେ ଲାରା ଦତ୍ତା କୈକେୟୀ ହୋଇଛନ୍ତି | ସେଟରୁ ଉଭୟଙ୍କ ଲୁକ ମଧ୍ୟ ଲିକ୍ ହୋଇଛି। ଏହା ବ୍ୟତୀତ ରଣବୀର କପୁର ପ୍ରଭୁ ରାମଙ୍କ ଭୂମିକାରେ ନଜର ଆସିବେ। ଯେତେବେଳେ କି ସାଇ ପାଲ୍ଲବୀ ମାତା ସୀତା ଭୂମିକାରେ ନଜର ଆସିବେ ବୋଲି ଜଣାପଡିଛି | ଅନ୍ୟପକ୍ଷରେ, ଯଶ ରାବଣ ଭୂମିକାରେ ଅଭିନୟ କରିବାକୁ ଯାଉଛନ୍ତି ଏବଂ ହନୁମାନଙ୍କ ଭୂମିକା ପାଇଁ ସନ୍ନି ଦେଓଲଙ୍କୁ ଚୂଡ଼ାନ୍ତ ହୋଇଛନ୍ତି। ପୂରା କାଷ୍ଟ ଏପର୍ଯ୍ୟନ୍ତ ସୁଟିଂରେ ଯୋଗ ଦେଇନାହାଁନ୍ତି। କାହାଣୀ ଅନୁଯାୟୀ, ଗୋଟିଏ ପରେ ଗୋଟିଏ ସମସ୍ତେ ନିଜ ନିଜର ସୁଟିଂ ଶେଷ କରିବେ ବୋଲି ସୂଚନା ରହିଛି ।
ନୀତେଶ ତିୱାରୀଙ୍କ ‘ରାମାୟଣ’ର ସୁଟିଂ ମାର୍ଚ୍ଚରୁ ଆରମ୍ଭ ହୋଇଯାଇଛି। ଅଭିନେତା ଏବଂ ଅଭିନେତ୍ରୀଙ୍କ ଲୁକକୁ ଧ୍ୟାନରେ ରଖି ବ୍ୟାକ୍-ଟୁ-ବ୍ୟାକ୍ କାର୍ଯ୍ୟସୂଚୀ ସ୍ଥିର କରାଯାଇଛି | ଏହି ଫିଲ୍ମର ୨ଟି ଭାଗରେ ଆସିବା ନେଇ ନିଷ୍ପତ୍ତି ନିଆଯାଇଛି । ରିପୋର୍ଟ ଅନୁଯାୟୀ, ଡିସେମ୍ବର ୨୦୨୫ ସୁଦ୍ଧା ଉଭୟ ଅଂଶର ସୁଟିଂ ଶେଷ ହେବ। ଫିଲ୍ମର ସୁଟିଂ ସହିତ ନିର୍ମାତାମାନେ ପୋଷ୍ଟ ପ୍ରଡକ୍ସନ୍ କାମ ମଧ୍ୟ ଜାରି ରଖିବେ। ବାସ୍ତବରେ ଉଭୟ ଚଳଚ୍ଚିତ୍ରକୁ ଗୋଟିଏ ବର୍ଷର ବ୍ୟବଧାନରେ ରିଲିଜ୍ କରିବାର ଯୋଜନା ରହିଛି । ଏହା ସହିତ କୁହାଯାଉଛି ଯେ, ପ୍ରଥମ ଭାଗର ସୁଟିଂ ସରିବା ପରେ ହିଁ ଦ୍ୱିତୀୟ ଭାଗର ସୁଟିଂ ଆରମ୍ଭ ହେବ ।
