ପିଆଜର ଦରବୃଦ୍ଧିକୁ ନିୟନ୍ତ୍ରଣ କରିବା ପରିବର୍ତ୍ତେ ଏମିତି ବିତଣ୍ଡା ଯୁକ୍ତି କଲେ ଅର୍ଥମନ୍ତ୍ରୀ

ନୂଆଦିଲ୍ଲୀ: ଦେଶରେ ପିଆଜ ଦରକୁ ନେଇ ହଟଚମଟ । କିନ୍ତୁ, ଅର୍ଥମନ୍ତ୍ରୀ କହୁଛନ୍ତି ମୁଁ ଖାଉନି ପିଆଜ । ମୁଁ ଏମିତି ଏକ ପରିବାରରୁ ଆସିଛି ଯେଉଁଠି ଖାଦ୍ୟରେ ପିଆଜ କିଛି ମାନେ ରଖେନି । ଲୋକସଭାରେ ଏମିତି କହିଛନ୍ତି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ।

ଏନସିପି ସାଂସଦ ସୁପ୍ରିୟା ସୁଲେଙ୍କ ପିଆଜ ପ୍ରଶ୍ନର ଉତ୍ତରରେ ନିର୍ମଳା କହିଛନ୍ତି, ମୁଁ କି ମୋର ପରିବାର ପିଆଜ ଖାଆନ୍ତିନି । କେବଳ ପିଆଜ ନୁହେଁ ଏମିତିକି ଅଦା ଖାଅନ୍ତିନି ବୋଲି ସଂସଦରେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା କହିଛନ୍ତି । ପିଆଜର ଦର ନିୟନ୍ତ୍ରଣ ପାଇଁ ପଦକ୍ଷେପ ନିଆଯାଉଛି । ଏପରିକି ଦେଶରୁ ପିଆଜର ରପ୍ତାନୀ ଉପରେ କଟକଣା ଲଗାଯାଇଛି ।

ଦେଖନ୍ତୁ ପିଆଜ ଉପରେ ସଂସଦରେ କଣ କହିଲେ କେନ୍ଦ୍ର ଅର୍ଥମନ୍ତ୍ରୀ

ଦେଶର ଅନେକ ସ୍ଥାନରେ ପିଆଜର କେଛି ପିଛା ଦର ୧୦୦ ଟଙ୍କା ଟପିଥିବା ବେଳେ ଅର୍ଥମନ୍ତ୍ରୀଙ୍କ ;ଓନିଅନ୍’ ଥିଓରି ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଭାରତୀୟଙ୍କ ଅତ୍ୟାବଶ୍ୟକୀୟ ସାମଗ୍ରୀ ଭାବେ ଆଳୁ ଓ ପିଆଜକୁ ଗଣା ଯାଉଥିଲେ ହେଁ ସରକାର ଉତ୍ପାଦନ, ବଜାର ଓ ଦର ନିୟନ୍ତ୍ରଣ ଉପରେ ଠୋସ୍ ପଦକ୍ଷେପ ନେଉନାହାନ୍ତି । ଫଳରେ ଦର ସେଞ୍ଚୁରୀ ମାରିଥିବା ବେଳେ ବିଦେଶରୁ ପିଆଜ ଆମଦାନୀ କରିବାକୁ ସରକାର ବାଧ୍ୟ ହୋଇଛନ୍ତି ।