ସବୁଚାଲ ଫେଲ୍, ଶେଷରେ କାଲି ଫାଶୀ ଖୁଣ୍ଟରେ ଝୁଲିବେ ନିର୍ଭୟା ଦୋଷୀ
ନୂଆଦିଲ୍ଲୀ: ନିର୍ଭୟା ଦୋଷୀଙ୍କୁ କାଲି ଫାଶୀ । କାଲି ଭୋର ୫ଟା ୩୦ ମିନିଟରେ ଫାଶୀ ଖୁଣ୍ଟରେ ଝୁଲିବେ ୪ ଦୁଷ୍କର୍ମକାରୀ । ଏଥିପାଇଁ ପୂର୍ବରୁ ସବୁ ପ୍ରସ୍ତୁତି ସରିଛି । ୪ ଦୁଷ୍କର୍ମକାରୀଙ୍କ ଡମିକୁ ପୂର୍ବରୁ ଫାଶୀଙ୍କୁଣ୍ଟରେ ଝୁଲାଯାଇଥିଲା । ତବେ ଆସନ୍ତା କାଲି ଭୋର ୫ଟା ୩୦ ରେ ୪ ଜଣ ଦୋଷୀଙ୍କୁ ଫାଶୀ ଦିଆଯିବ । ତେବେ ନିର୍ଭୟା ଦୋଷୀ ପବନ ଗୁପ୍ତାର ଶେଷ ଚାଲ୍ ଫେଲ୍ ହୋଇଛି । ଏପଟେ ମୁକେଶର କ୍ୟୁରେଟିଭ ପିଟିସନ ମଧ୍ୟ ଖାରଜ ହୋଇଛି । ସୁପ୍ରିମକୋର୍ଟରେ ଉଭୟଙ୍କ କ୍ୟୁରେଟିଭ୍ ପିଟିସନ୍ ଖାରଜ ହୋଇଛି।
୨୦୧୨ ନିର୍ଭୟା ଦୁଷ୍କର୍ମ ବେଳେ ସେ ନାବାଳକ ଥିବା ନେଇ ପବନ ଆବେଦନରେ ଦର୍ଶାଇଥିଲା। ତେବେ ଏହାକୁ ଅଗ୍ରାହ୍ୟ କରିଛନ୍ତି ସର୍ବୋଚ୍ଚ କୋର୍ଟ। ଗତ ମଙ୍ଗଳବାର ସୁପ୍ରିମକୋର୍ଟରେ ପବନ କ୍ୟୁରେଟିଭ୍ ପିଟିସନ୍ ଦାଖଲ କରିଥିଲା। ଏଥିରେ ନିଜକୁ ନାବାଳକ ଦର୍ଶାଇ ଫାଶୀ ଦଣ୍ଡାଦେଶ ଏଡାଇବାକୁ ପବନ ଆବେଦନ କରିଥିଲା। ତେବେ ସର୍ବୋଚ୍ଚ କୋର୍ଟ ଏହାକୁ ଖାରଜ କରିଛନ୍ତି। ଏହାପୂର୍ବରୁ ସୁପ୍ରିମକୋର୍ଟରେ ପୁନିଃବିଚାର ଆବେଦନ ଦାଖଲ କରି ଅପରାଧ ସମୟରେ ନାବାଳକ ଥିବା ନେଇ ଦଲିଲ୍ ଦେଇଥିଲା ପବନ।
ଫାଶୀର ୨ ଘଣ୍ଟା ପରେ ମଧ୍ୟ ଜୀବିତ ଥିଲା ଦୁଷ୍କର୍ମ ଓ ହତ୍ୟା ମାମଲାର ଏହି ଦୋଷୀ
ଏହାକୁ ସୁପ୍ରିମକୋର୍ଟ ଖାରଜ କରିବା ପରେ ଏହାକୁ ଚ୍ୟାଲେଞ୍ଜ କରି ପୁଣି କ୍ୟୁରେଟିଭ୍ ପିଟିସନ୍ ଦାଖଲ କରିଥିଲା ପବନ। ଏଥିରେ ମୃତ୍ୟୁଦଣ୍ଡ ବଦଳରେ ଆଜୀବନ କାରାଦଣ୍ଡାଦେଶ ପାଇଁ ଆବେଦନ କରିଥିଲା ଦୋଷୀ ପବନ ଗୁପ୍ତା। ଅନ୍ୟପଟେ ଫାଶୀର ଦିନକ ପୂର୍ବରୁ ନିର୍ଭୟା ଦୋଷୀ ମୁକେଶର ନୂଆ ଷଡ଼ଯନ୍ତ୍ର ମଧ୍ୟ ଫେଲ ମାରିଛି । ଫାଶୀ ରୋକିବାକୁ ମୁକେଶର ଆବଦେନକୁ ସୁପ୍ରିମକୋର୍ଟ ଖାରଜ କରିଛନ୍ତି । ଘଟଣା ସମୟରେ ସେ ଦିଲ୍ଲୀରେ ନୁହେଁ ଜୟପୁରରେ ଥିଲା ବୋଲି ମୁକେଶ ଆବେଦନରେ ଦର୍ଶାଇଥିଲା ।
