ନିର୍ଭୟା ଦୋଷୀଙ୍କ ଫାଶୀ ତାରିଖକୁ ନେଇ ପୁଣି ସନ୍ଦେହ
ନୂଆଦିଲ୍ଲୀ: ନିର୍ଭୟା ମାମଲାରେ ନୂଆ ଟ୍ୱିଷ୍ଟ । ଆଇନ ସହାୟତା କାଉନସେଲର୍ଙ୍କୁ ଭେଟିବାକୁ ମନା କଲା ବିନୟ । ବିନୟକୁ ଭେଟିବାକୁ ଯାଇ ଖାଲି ହାତରେ ଫେରିଲେ ରବି କାଜି । ଫେବ୍ରୁଆରୀ ୧୯ରେ ପବନକୁ ଭେଟିବାକୁ ଚାହିଁଥିଲେ ରବି ।
ପବନ ତାଙ୍କୁ ଭେଟିବାକୁ ଚାହୁଁନଥିବା କହିଥିଲେ ତିହାର ପ୍ରଶାସନ । ପବନ ଏକମାତ୍ର ଦୋଷୀ ଯାହାର କ୍ୟୁରେଟିଭ୍ ପିଟିସନ ବାକି ଅଛି । ପବନ ଏନେଇ କୋର୍ଟରେ ଆବେଦନ କରିନଥିବାରୁ ସନ୍ଦେହ ସୃଷ୍ଟି ହୋଇଛି ।
ପବନର ଏଭଳି ଆଚରଣ ନେଇ ନନ୍ଦିଘୋଷ ଟିଭିକୁ ପ୍ରତିକ୍ରିୟା ଦେଇଛନ୍ତି ରବି କାଜି । ରବି କାଜିଙ୍କ ଆଇନ ସହାୟତା ନେବାକୁ ମନା କଲା ପବନ । ରବି କାଜିଙ୍କ ବଦଳରେ ନୂଆ ଓକିଲଙ୍କ ସହାୟତା ନେବା ସମ୍ଭାବନା ରହିଛି । ଏଭଳି ହେଲେ ପୁଣି ଫାଶୀ ତାରିଖ ଗଡ଼ିବା ନେଇ ଆଶଙ୍କା ଦେଖାଦେଇଛି ।
