ଆଜିଠାରୁ ଆରମ୍ଭ ହେଲା ମାଆଙ୍କ ନବରାତ୍ରୀ ପୂଜା, ଜାଣନ୍ତୁ ସବୁ ରୂପର ମହିମା

ଆଜିଠାରୁ ଆରମ୍ଭ ହୋଇଛି ମାଆ ଦୂର୍ଗାଙ୍କ ନବ ଦିନାତ୍ମକ ପର୍ବ । ୯ ଦିନ ଯାଏ ଏହି ପର୍ବ ମାଆ ଆଦିଶକ୍ତିଙ୍କ ୯ଟି ରୂପକୁ ସମର୍ପିତ ରହିବ । ଚଳିତ ବର୍ଷ ନବରାତ୍ରୀ ଅକ୍ଟୋବର ୧୭ରୁ ଆରମ୍ଭ ହୋଇ ଅକ୍ଟୋବର ୨୫ ଯାଏ ଚାଲିବ । ଦଶହରା ସହ ଏହି ପର୍ବର ସମାପନ ହେବ । ଏହି ଉପଲକ୍ଷେ ଆଜି ଆମେ ଆପଣଙ୍କୁ ଜଣାଇବାକୁ ଯାଉଛୁ ମାଆ ଦୁର୍ଗାଙ୍କ ୯ଟି ରୂପ ଏବଂ ଏହାର ମହିମା ବିଷୟରେ ।

୧. ମାଆ ଶୌଳପୂତ୍ରୀ

ମାଆ ଦୁର୍ଗାଙ୍କ ପ୍ରଥମ ରୂପ ହେଉଛି ଶୌଳପୂତ୍ରୀ । ଏହା ବନଦୁର୍ଗାଙ୍କ ମଧ୍ୟରୁ ପ୍ରଥମ ରୂପ ଅଟେ । ପର୍ବତ ରାଜା ହିମାଳୟଙ୍କ କନ୍ୟା ହୋଇଥିବାରୁ ତାଙ୍କୁ ଶୌଳପୂତୀ କୁହାଯାଏ ।

୨. ମାଆ ବ୍ରହ୍ମଚାରିଣୀ

ମାଆ ଦୁର୍ଗାଙ୍କ ଦ୍ୱିତୀୟ ରୂପ ହେଉଛି ବ୍ରହ୍ମଚାରିଣୀ । ଧଳା ବସ୍ତ୍ର ପିନ୍ଧି, ଗୋଟିଏ ଘରେ ହାତରେ ଅଷ୍ଟଦଳର ମାଳା ଓ ଆଉ ଗୋଟେ ହାତରେ କମଣ୍ଡଳ ଧରିଥାନ୍ତି । ତପ ଆଚରଣ କରୁଥିବା କାରଣରୁ ତାଙ୍କୁ ବ୍ରହ୍ମଚାରିଣୀ କୁହାଯାଇଥାଏ ।

୩. ମାଆ ଚନ୍ଦ୍ରଘଣ୍ଟା

ଦୁର୍ଗାଙ୍କ ତୃତୀୟ ରୂପର ହେଉଛି ଚନ୍ଦ୍ରଘଣ୍ଟା । ମାଆ ଏଥିରେ ଶକ୍ତିର ରୂପରେ ବିରାଜମାନ, ମସ୍ତକରେ ଚନ୍ଦ୍ରମାକୁ ଧାରଣ କରିଥାନ୍ତି । ତୃତୀୟ ଦିନରେ ମାଆ ଚନ୍ଦ୍ରଘଣ୍ଟାଙ୍କୁ ପୂଜା କରାଯାଇଥାଏ ।

୪. ମାଆ କୁଷ୍ମାଣ୍ଡା

ମାଆ ଦୁର୍ଗାଙ୍କ ଚତୁର୍ଥ ରୂପ ହେଉଛି କୁଷ୍ମାଣ୍ଡା । ବ୍ରହ୍ମାଣ୍ଡକୁ ଉତ୍ପନ କରିଥିବା କାରଣରୁ ତାଙ୍କୁ କୁଷ୍ମାଣ୍ଡା କୁହାଯାଇଥାଏ । ମାଆ କୁଷ୍ମାଣ୍ଡା ନିଜ ଭକ୍ତଙ୍କୁ ସମସ୍ତ ସଙ୍କଟ, ରୋଗ, ଶୋକକୁ ନାଶ କରି ଯଶ, ଆୟୁ, ବୁଦ୍ଧି ପ୍ରଦାନ କରିଥାନ୍ତି ।

୫. ମାଆ ସ୍କନ୍ଦମାତା

ଦୁର୍ଗାଙ୍କ ପଞ୍ଚମ ଅବତାରକୁ ସ୍କନ୍ଦମାତା କୁହାଯାଏ । କାର୍ତ୍ତୀକେୟଙ୍କ ମାଆ ହୋଇଥିବାରୁ ତାଙ୍କୁ ସ୍କନ୍ଦମାତା କୁହାଯାଏ ।

୬. ମାଆ କାତ୍ୟାୟନୀ

ମାଆ ଦୁର୍ଗାଙ୍କ ଷଷ୍ଠ ଅବତାରକୁ କାତ୍ୟାୟନୀ କୁହାଯାଏ । ମହର୍ଷି କାତ୍ୟାୟନଙ୍କ ଘରେ ଜନ୍ମ ଗ୍ରହଣ କରିଥିବାରୁ ତାଙ୍କୁ କାତ୍ୟାୟନୀ କୁହାଯାଇଥାଏ । ମାଆ କାତ୍ୟାୟନୀଙ୍କ ପୂଜା କରିବା ଦ୍ୱାରା ଧର୍ମ, ଅର୍ଥ, କାମ ଏବଂ ମୋକ୍ଷ ପ୍ରାପ୍ତି ହୋଇଥାଏ ।

୭. ମାଆ କାଳରାତ୍ରୀ

ମାଆ ଦୁର୍ଗାଙ୍କ ସପ୍ତମ ଅବତାର କାଳରାତ୍ରୀ ଅଟେ । ମାଆ କାଳରାତ୍ରୀଙ୍କ ସ୍ୱରୂପ ଦେଖିବାକୁ ଭୟଙ୍କର ଅଟେ । କିନ୍ତୁ ସର୍ବଦା ଶୁଭଫଳ ଦେଉଥିବାରୁ ତାଙ୍କୁ ଶୁଭଙ୍କରୀ ମଧ୍ୟ କୁହାଯାଏ ।

୮. ମାଆ ମହାଗୌରୀ

ମାଆ ଦୁର୍ଗାଙ୍କ ଅଷ୍ଟମ ରୂପ ମହାଗୌରୀ ଅଟେ । କଠୋର ତପସ୍ୟା କରି ସେ ପାର୍ବତୀ ରୂପରେ ମହାଦେବଙ୍କୁ ପାଇଥିଲେ । ମାତାଙ୍କ ଭକ୍ତିରେ ସମସ୍ତ ପାପ ନାଶ ହୋଇଥାଏ ।

୯. ମାଆ ସିଦ୍ଧିଦାତ୍ରୀ

ମାଆ ଦୁର୍ଗାଙ୍କ ନବମ ରୂପ ସିଦ୍ଧିଦାତ୍ରୀ ଅଟେ । ସମସ୍ତ ପ୍ରକାର ସିଦ୍ଧି ପ୍ରଦାନ କରୁଥିବା ମାଆ ସିଦ୍ଧିଦାତ୍ରୀ ଭକ୍ତଙ୍କୁ ସର୍ବଦା ରକ୍ଷା କରିଥାନ୍ତି ।