ରାଉରକେଲା: ରାଉରକେଲା ସେକ୍ଟର-୫ରେ ଥିବା ରାଜ୍ୟର ଏକମାତ୍ର ଜାତୀୟ ମ୍ୟାଲେରିଆ ଗବେଷଣା ପ୍ରତିଷ୍ଠାନକୁ ରାଞ୍ଚିକୁ ଉଠାଇ ନେବା ନେଇ କେନ୍ଦ୍ର ସରକାରଙ୍କ ନିଷ୍ପତ୍ତିକୁ ବିରୋଧ । ପ୍ରତିବାଦରେ ବିଭିନ୍ନ ରାଜନୈତିକ ଦଳ, ଶ୍ରମିକ ସଂଗଠନ, ଗଣ ସଂଗଠନ ପକ୍ଷରୁ ଆସନ୍ତା ୩୦ ତାରିଖରେ ଆମ୍ଵାଗାନ ଛକ ନିକଟରେ ଗଣ ଧାରଣା ଦିଆଯିବ।
୧୯୮୮ ମସିହାରୁ ଥିବା ରାଜ୍ୟର ଏକମାତ୍ର ଜାତୀୟ ମ୍ୟାଲେରିଆ ଗବେଷଣା ପ୍ରତିଷ୍ଠାନକୁ ରାଞ୍ଚିରେ ମିଶ୍ରଣ କରିଵା ପାଇଁ କେନ୍ଦ୍ର ସରକାର ନିଷ୍ପତ୍ତି ନେଇଛନ୍ତି । ପ୍ରତିଷ୍ଠାନରେ କାମ କରୁଥିବା ୨୩ ଜଣ କର୍ମଚାରୀଙ୍କ ମଧ୍ୟରୁ ୧୯ଜଣଙ୍କୁ ଦେଶର ବିଭିନ୍ନ ସ୍ଥାନକୁ ବଦଳି କରାଯାଇ ରାଞ୍ଚି ସହିତ ମିଶ୍ରଣ ନେଇ ନିର୍ଦେଶନାମା ଜାରି କରାଯାଇଛି।
ଏନେଇ ଗତକାଲି ଜାତୀୟ ମ୍ୟାଲେରିଆ ଗବେଷଣା ପ୍ରତିଷ୍ଠାନ କାର୍ଯ୍ୟାଳୟ ସମ୍ମୁଖରେ ବିଜୁ ଜନତା ଦଳ ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଥିଲା ।
