ଶିଶୁଙ୍କୁ ନିମୋନିଆରୁ ରକ୍ଷା ପାଇଁ କଣ କରିବେ ?

ଭୁବନେଶ୍ବର: ରାଜ୍ୟ ସରକାରଙ୍କ ନିମୋନିଆ ମୁକ୍ତ ଅଭିଯାନ । ୫ ବର୍ଷରୁ କମ ଶିଶୁଙ୍କୁ ଡରାଉଛି ନିମୋନିଆ । ଦ୍ରୁତଗତି ନିଶ୍ବାସ ନେବା, ଅତ୍ୟଧିକ ଜ୍ବର ହେବା ଓ ବାତ ମାରିବା ହେଉଛି ନିମୋନିଆର ଲକ୍ଷଣ । ବିଶ୍ବ ନିମୋନିଆ ଦିବସ ଅବସରରେ ଆସନ୍ତା ୧୨ ତାରିଖରୁ ଫାବୃୟାରୀ ୨୯ ତାରିଖ ପର୍ଯ୍ୟନ୍ତ ରାଜ୍ୟବ୍ୟାବୀ ସଚେତନ କରିବ ପରିବାର କଲ୍ୟାଣ ନିର୍ଦ୍ଦେଶାଳୟ । ଏ ନେଇ ସ୍ବାସ୍ଥ୍ୟକର୍ମୀ ମାନଙ୍କୁ ସଚେତନତା ଲାଗି ତାଲିମ ଦିଆଯାଇଛି।

ନିମୋନିଆକୁ କଲେ ଦମନ, ସୁଖମୟ ହେବ ଶିଶୁ ଜୀବନ । ନିମୋନିଆ ନାହିଁ ଯାହାର, ପିଲା ଦିନ ଠିକ ତାହାର । ୫ ବର୍ଷର କମ ଶିଶୁକୁ ଡରାଉଛି ନିମୋନିଆ । ନଭେମ୍ବର ୧୨ରୁ ଫେବୃୟାରୀ ୨୯ ଯାଏଁ ଡୋରଟୁ ଡୋର କ୍ୟାମ୍ପେନିଂ। ମଙ୍ଗ ଧରିବେ ସ୍ବାସ୍ଥ୍ୟକର୍ମୀ  । ନିମୋନିଆ କ’ଣ ? ଫୁସଫୁସରେ ସଂକ୍ରମଣକୁ ନିମୋନିଆ କୁହାଯାଏ । ୫ ବର୍ଷରୁ କମ୍ ବୟସର ଶିଶୁ ମୃତ୍ୟୁର ଏହା ଏକ ମୁଖ୍ୟ କାରଣ । କେମିତି ଜାଣିବେ ନିମୋନିଆର ଲକ୍ଷଣ ? କାଶ ଓ ଥଣ୍ଡା ବଢିବା ।

ଦ୍ରୁତ ଗତିରେ ନିଶ୍ବାସ ପ୍ରଶ୍ବାସ ନେବା । ନିଶ୍ବାସ ପ୍ରଶ୍ୱାସ ନେବା ବେଳେ ଛାତି ତଳ ଭିତରକୁ ପଶିଯିବା । ଅତ୍ୟଧିକ ଜ୍ବର ହେବା ନିମୋନିଆର ଲକ୍ଷଣ । ହେଲେ ଖାଇବା ପିଇବା ନକରିପାରିବା, ବାତ ମାରିବା ପରି ଲକ୍ଷଣ ଦେଖାଯିବା , ନିସ୍ତେକ କିମ୍ବା ଅତ୍ୟଧିକ ଶୋଇ ରହିଲେ ଏହା ନିମୋନିଆର ଗୁରୁତର ଲକ୍ଷଣ । ନିମୋନିଆର ଲକ୍ଷଣ ଦେଖା ଗଲେ ଘରୋଇ ଚିକିତ୍ସାରେ ସମୟ ନଷ୍ଟ ନକରି ନିକଟସ୍ଥ ସ୍ୱାସ୍ଥ୍ୟକେନ୍ଦ୍ରକୁ ନେବା ଲାଗି ପରିବାର କଲ୍ୟାଣ ନିର୍ଦ୍ଦେଶାଳୟର ନିର୍ଦ୍ଦେଶକ କହିଛନ୍ତି ।

ଶିଶୁ ମାନଙ୍କୁ ନିମୋନିଆରୁ ରକ୍ଷା ପାଇଁ କଣ କରିବେ ? ଶିଶୁ ଜନ୍ମ ପରେ ମା’ କ୍ଷୀର ତୁରନ୍ତ ଦେବେ । ଜନ୍ମରୁ ୬ ମାସ କେବଳ ମାଆ କ୍ଷୀର ସହିତ ଘରୋଇ ପ୍ରସ୍ତୁତ ଖାଦ୍ୟ ଦେବେ । ଶିଶୁର ଶରୀରକୁ ସମ୍ପୂର୍ଣ୍ଣ ଘୋଡାଇ ରଖିବେ । ଶୀତ ଦିନେ ଗରମ ପୋଷାକ ଓ ମୋଜା ପିନ୍ଧାଇବେ। ଶିଶୁଙ୍କୁ ଖାଲି ପାଦରେ ଚାଲିବାକୁ ଦେବେ ନାହିଁ । ଶିଶୁଙ୍କ ସଠିକ ସମୟରେ ସମ୍ପୂର୍ଣ୍ଣ ଟୀକାକରଣ କରାନ୍ତୁ । ଘରେ ଧୂଆଁ ନ କରି ଝରକା ଖୋଲା ରଖନ୍ତୁ । ଏଲପିଜି ଚୁଲାରେ ରୋଷେଇ କରନ୍ତୁ ।

ପିଇବା ପାଣି ଘୋଡାଇ ରଖନ୍ତୁ । ରୋଷେଇ କରିବା, ଶିଶୁକୁ ଧରିବା ଓ ଖାଦ୍ୟ ଖୁଆଇବା ପୂର୍ବରୁ ହାତକୁ ସାବୁନରେ ଅତି କମରେ ୪୦ ସେକେଣ୍ଡ  ଧୁଅନ୍ତୁ । ପି.ସି.ଭି ଟୀକା ଶିଶୁକୁ ନିମୋକୋକସ୍ ଜୀବାଣୁ ଜନିତ ନିମୋନିଆ ଓ ମସ୍ତିଷ୍କ ସଂକ୍ରମଣରୁ ସୁରକ୍ଷା ଦେଇଥାଏ । ତେଣୁ ପି.ସି.ଭି. ଟୀକାକରଣ ସୁନିଶ୍ଚିତ କରାନ୍ତୁ । ଏହି ଟୀକା ସମସ୍ତ ସରକାରୀ ସ୍ୱାସ୍ଥ୍ୟକେନ୍ଦ୍ରରେ ବିନାମୂଲ୍ୟରେ ଉପଲବ୍ଧ ବୋଲି ନିର୍ଦ୍ଦେଶକ କହିଛନ୍ତି । ନିମୋନିଆ ସଂକ୍ରମଣରେ ୧୫ ପ୍ରତିଶତ ନବଜାତ ଶିଶୁଙ୍କ ମୃତ୍ୟୁ ହେଉଛି । ପ୍ରତି ହଜାରରେ ୬ ଜଣ ଶିଶୁ ସଂକ୍ରମିତ ହେଉଛନ୍ତି । ଶିଶୁଙ୍କ ନିମୋନିଆ ଦାଉରୁ ରକ୍ଷା କରିବାକୁ ହେଲେ ଟୀକାକରଣ ମୂଳ ଲକ୍ଷ୍ୟ ।