ମା’ ଦଶମଲ୍ଲୀ ଠାକୁରାଣୀଙ୍କ ମନ୍ଦିରରୁ ଲକ୍ଷାଧିକ ଟଙ୍କାର ସୁନା ଗହଣା ଲୁଟ୍

ନିମାପଡ଼ା : ପୁରୀ ଗୋପ ଥାନା ମା’ ଦଶମଲ୍ଲୀ ଠାକୁରାଣୀଙ୍କ ମନ୍ଦିରରୁ ଲକ୍ଷାଧିକ ଟଙ୍କାର ସୁନା ଗହଣା ଲୁଟ୍। ଅଣ୍ଢରା ଇଚ୍ଛାପୁର ପଞ୍ଚାୟତର ପ୍ରତ୍ୟକ୍ଷ ଗ୍ରାମଦେବୀ ମା’ ଦଶମଲ୍ଲୀ ଠାକୁରାଣୀଙ୍କ ପୂଜା ପାଇଁ ପ୍ରତ୍ୟକ ଦିନ ପୂଜକ ପୂଜା କରିବାକୁ ଆସୁଥିବା ବେଳେ ମନ୍ଦିର ଖୋଲା ଥିବାର ଦେଖିଥିଲେ। ପରେ ମା’ ଙ୍କ ଆଖି ଏବଂ ମୁକୁଟ ନଥିବାର ଦେଖି ଗ୍ରାମବାସୀଙ୍କୁ ଜଣାଇଥିଲେ। ମନ୍ଦିରରୁ ବିଳମ୍ବିତ ରାତିରେ ଦୁର୍ବୁତ୍ତ ମାନେ ପଶି ମା’ଙ୍କ ଆଖି, ମଥା ଟିକା ଏବଂ ମୁକୁଟ ସମେତ ପାର୍ଶ୍ବ ଦେବାଦେବୀଙ୍କର ଲକ୍ଷାଧିକ ଟଙ୍କା ସୁନା ଅଳଙ୍କାର ଲୁଟି ନେଇଥିବାର ଜାଣିବାକୁ ପାଇଥିଲେ l ଘଟଣା ସମ୍ପର୍କରେ ଗ୍ରାମବାସୀ ଗୋପ ପୋଲିସକୁ ଅବଗତ କରାଇଥିବା ବେଳେ  ଘଟଣା ସ୍ଥଳରେ ଗୋପ ପୋଲିସ ପହଞ୍ଚି ତଦନ୍ତ ଚଳାଇଛି। ଏପରି ଅଭାବନିୟ ଘଟଣା ଅଣ୍ଢରା ଇଚ୍ଛାପୁର ପଞ୍ଚାୟତରେ ପ୍ରଥମ ଥର ଘଟିଥିବାରୁ ଅଞ୍ଚଳର ମା’ଙ୍କ ଭକ୍ତ ଓ ଗ୍ରାମବାସୀ ମାନଙ୍କୁ ଶକ୍ତ ଆଘାତ ଦେଇଛି।