ନିମାପଡ଼ା ବିଜେପିକୁ ଝଟକା, ଶଙ୍ଖ ଫୁଙ୍କିଲେ କେରୁଣ୍ଡିଆ ପଞ୍ଚାୟତର ପୂର୍ବତନ ସରପଞ୍ଚ ଓ ପୂର୍ବତନ ନାଏବ ସରପଞ୍ଚ

ଭୁବନେଶ୍ୱର: ନିମାପଡ଼ା ବିଜେପିକୁ ଝଟକା । ପଦାରେ ପଡ଼ିଲା ନିମାପଡ଼ା ବିଜେପିର ଦୁର୍ବଳ ନେତୃତ୍ୱ । ଯେଉଁଥିପାଇଁ ବିଜେପି ଛାଡ଼ି ବିଜେଡିରେ ଯୋଗ ଦେଲେ ନିମାପଡ଼ା ନିର୍ବାଚନମଣ୍ଡଳୀ କେରୁଣ୍ଡିଆ ପଞ୍ଚାୟତର ପୂର୍ବତନ ସରପଞ୍ଚ ରାମ ଚନ୍ଦ୍ର ନାୟକ ଓ ପୂର୍ବତନ ନାଏବ ସରପଞ୍ଚ ନୃସିଂହ ମହାରଣା । ସେମାନଙ୍କ ନେତୃତ୍ବରେ ଶତାଧିକ କର୍ମୀ ବିଜେପି ଛାଡ଼ି ବିଜେଡିରେ ମିଶିଛନ୍ତି । କେରୁଣ୍ଡିଆ ହେଉଛି ବିଜେପି ସାଧାରଣ ସମ୍ପାଦକ ପ୍ରଭାତୀ ପରିଡ଼ାଙ୍କ ପଞ୍ଚାୟତ । ଉଭୟ ରାମଚନ୍ଦ୍ର ଓ ନୃସିଂହ ତାଙ୍କ ସଂପର୍କୀୟ । ଆଜି ନିଜ ସଂପର୍କୀୟ ପ୍ରଭାତୀଙ୍କ ହାତ ଛାଡ଼ି ସେମାନେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆଦର୍ଶରେ ଅନୁପ୍ରାଣିତ ହୋଇ ବିଜେଡିରେ ମିଶିଛନ୍ତି । ସମସ୍ତଙ୍କୁ ଦଳକୁ ସ୍ବାଗତ ଜଣାଇଛନ୍ତି ନିମାପଡ଼ା ବିଧାୟକ ସମୀର ରଞ୍ଜନ ଦାଶ ଓ ବରିଷ୍ଠ ବିଜେଡି ବିଧାୟକ ପ୍ରତାପ ଜେନା । ସେମାନଙ୍କ ବିଜେଡିରେ ଯୋଗଦାନ ଦ୍ବାରା ନିମାପଡାରେ ସଂଗଠନ ମଜବୁତ ହେବା ସହ ବିକାଶଧାରା ଆହୁରି ତ୍ବରାନ୍ବିତ ହେବ । ବିଜେପିରେ ନେତୃତ୍ୱକୁ ଦାୟୀ କରି ସେମାନେ ଦଳ ଛାଡ଼ିଥିବା କଥା ଗଣମାଧ୍ୟମ ଆଗରେ କହିଛନ୍ତି ।