ଅଭିନବ ଢଙ୍ଗରେ ପ୍ରତିବାଦ, ରାସ୍ତାରେ ପକାଇଲେ ଜାଲ

ନନ୍ଦିଘୋଷ ବ୍ୟୁରୋ: ରାସ୍ତା ଉପରେ ଜାଲ ପକାଇଲେ । ମାଛ ଧରିବାକୁ ଜାଲ ପକାଇଲେ। ଏପରି ଅଭିନବ ଢଙ୍ଗରେ ପ୍ରତିବାଦ କରିଛି ବିଜେଡି। ଏହି ଦୃଶ୍ୟ ହେଉଛି ପୁରୀ ଜିଲ୍ଲା ନିମାପଡ଼ା ମୁଖ୍ୟ ରାସ୍ତାର। ରାସ୍ତାରେ ଏତେ ପାଣି ଯେ, ଯିବା ଆସିବା କରି ହେଉ ନାହିଁ। ଅସରାଏ ବର୍ଷାରେ ଏତେ ପାଣି ଜମି ଯାଇଛି। ଯୁବ ବିଜେଡି ପକ୍ଷରୁ ଏହାର ପ୍ରତିବାଦ କରାଯାଇଛି। ପୁରୁଣା ବସ୍ ଷ୍ଟାଣ୍ଡ ନିକଟରେ ଆଜକୁ ଦୀର୍ଘଦିନ ହେବ ଟିକେ ବର୍ଷା ହେଲେ ପାଣି ଜମୁଛି। ସମାଧାନ ପାଇଁ ଅନେକ ଥର ବିଜେଡି ପକ୍ଷରୁ ପୌର ପରିଷଦର ଦୃଷ୍ଟି ଆକର୍ଷଣ କରାଯିବା ସହିତ ଆନ୍ଦୋଳନ  କରାଯାଇଛି। କିଛି ସୁଫଳ ମିଳିନି। ତେଣୁ ରାସ୍ତା ଉପରେ ଜମି ଥିବା ପାଣିରେ ଜାଲ ପକାଇ ଅଭିନବ ପ୍ରତିବାଦ କରିଛି ବିଜେଡି। ତୁରନ୍ତ ସମାଧାନ ନ ହେଲେ ଆନ୍ଦୋଳନ କରିବାକୁ ଦଳ ପକ୍ଷରୁ ଚେତାବନୀ ଦିଆଯାଇଛି।