ସରିଲା ନବଦିନାତ୍ମକ ଯାତ୍ରାର ଅନ୍ତିମ ପର୍ବ: ରତ୍ନବେଦୀରେ ବିରାଜିଲେ ମହାପ୍ରଭୁ
ପୁରୀ: ମନ୍ଦିର ବାହାରେ ସରିଲା ମହାପ୍ରଭୁଙ୍କ ଲୀଳା ଖେଳା । ନବଦିନାତ୍ମକ ଯାତ୍ରା ସାରି ନୀଳକନ୍ଦରକୁ ଫେରିଲେ ନୀଳାଦ୍ରିନାଥ । ଆଜି ପୁଣି ସଅଳ ନୀତିକାନ୍ତି କରି ଇତିହାସ ରଚିଲେ ସେବାୟତ । ସଂଧ୍ୟା ଧୂପ ସରିବା ପରେ ଆରମ୍ଭ ହୋଇଥିଲା ଚତୁର୍ଦ୍ଧାମୂର୍ତ୍ତିଙ୍କ ପହଣ୍ଡି ।
ଗୋଟି ପହଣ୍ଡିରେ ଶ୍ରୀମନ୍ଦିରକୁ ବିଜେ କରିଥିଲେ ସୂଦର୍ଶନ, ବଳଭଦ୍ର ଓ ସୁଭଦ୍ରା । ତେବେ ଶ୍ରୀଜଗନ୍ନାଥ ଯିବାବେଳେ ସିଂହଦ୍ୱାରା ବନ୍ଦ ହୋଇଥିଲା ।ତେବେ ରସଗୋଲା ଦେଇ ମାତା ଲକ୍ଷ୍ମୀଙ୍କ ମାନଭଞ୍ଜନ କରିବା ପରେ ଶ୍ରୀମନ୍ଦିରକୁ ମହାପ୍ରଭୁ ପ୍ରବେଶ କରିଥିଲେ ।
ଆସନ୍ତାକାଲି ଦିନ ୧୨ ରୁ ୧ ଟା ମଧ୍ୟରେ ବାହାରିବ ନୀଳାଚଳ ଅବଡା ।ଶ୍ରୀଗୁଣ୍ଡିଚା ମନ୍ଦିରରେ ଯେଉଁଭଳି ଆଡ଼ପ ଅଭଡା ମିଳୁଥିଲା ସେହିଭଳି ବ୍ୟବସ୍ଥା ହେବ ।
ତେବେ ଜୁଲାଇ ୩୧ ପର୍ଯ୍ୟନ୍ତ ପୁରୀ ସହରକୁ ପ୍ରବେଶ ମନା ଓ ଶ୍ରୀମନ୍ଦିରରେ ମଧ୍ୟ ଭକ୍ତ ଙ୍କ ପ୍ରବେଶ ଉପରେ କଟକଣା ।
