ପୋଲିସ ଆଗରେ ତୋସିଫ ଖୋଲିଲେ ନିକିତାଙ୍କୁ ଜଘନ୍ୟ ହତ୍ୟାର କାରଣ, କହିଲେ ଏହା ମୋ ଗିରଫ ହେବାର ବଦଲା

ନୂଆଦିଲ୍ଲୀ: ହରିୟାଣାର ବଲଭଗଡରେ ନିକିତାଙ୍କୁ ଗୁଳି କରି ହତ୍ୟା ଘଟଣା । ହତ୍ୟା କରିଥିବା ଅଭିଯୁକ୍ତକୁ ଗିରଫ କରିଛି ପୋଲିସ । ଅଭିଯୁକ୍ତ ତୋସିଫଙ୍କ ସମେତ ପୋଲିସ ଉଭୟ ଦୁଇ ଅଭିଯୁକ୍ତକୁ ଗିରଫ କରିଛି । ଗିରଫ ପରେ ପୋଲି ସେମାନଙ୍କ ଠାରୁ ହତ୍ୟାର କାରଣ କଣ ଜାଣିବାକୁ ପାଇଥିଲା । ତେବେ ଜେରା ପରେ ସେମାନେ କାହିଁକି ନିକିତାଙ୍କୁ ହତ୍ୟା କଲେ ତାହା ପୋଲିସ ଆଗରେ ସ୍ୱୀକାର କରିଛନ୍ତି । ଏଇ କିଛି ଦିନ ହେବ ତୋସିଫ ଫୋନରେ କଥା ହେଉଥିବା ମଧ୍ୟ କହିଛି ଅଭିଯୁକ୍ତ । ବିଚ ରାସ୍ତା ଉପରେ ଏଭଳି ହତ୍ୟା ପରେ ଏବେ ଦିଲ୍ଲୀରେ ପରିସ୍ଥିତି ବହୁତ ଜଟିଳ ରହିଛି । ସମସ୍ତଙ୍କ ମନରେ ଏବେ ନ୍ୟାୟର ନିଆଁ ଜଳୁଛି । ପୀଡିତାଙ୍କ ପରିବାର କାର୍ଯ୍ୟାନୁଷ୍ଠାନ ଦାବିରେ ରାସ୍ତାକୁ ଓହ୍ଲାଇଛି । ତେବେ ଖାଲି ପୀଡ଼ିତାଙ୍କ ପରିବାର ନୁହେଁ । ପୁରା ଦିଲ୍ଲୀ ଏବେ ନ୍ୟାୟର ଦାବିରେ ରାସ୍ତାକୁ ଓହ୍ଲାଇଛି । ‘ଆମକୁ ନ୍ୟାୟ ଦରକାର’ ଏଭଳି ଦାବିରେ ଏବେ ପୁରା ଦିଲ୍ଲୀ ଥରୁଛି ।

ତେବେ ଅଭିଯୁକ୍ତ ତୋସିଫ ନିଜ ଅପରାଧ ସ୍ୱୀକାର କରିଛି । ସେ କହିଛି ଯେ ମୁଁ ତାଙ୍କୁ ହତ୍ୟା କରିଛି କାରଣ ସେ ଅନ୍ୟ କାହାକୁ ବିବାହ କରିବାକୁ ଯାଉଥିଲା । ତୋସିଫ ଏହା ମଧ୍ୟ ସ୍ୱୀକାର କରିଛି ଯେ ୨୪ ଏବଂ ୨୫ ତାରିଖରେ ଲମ୍ବା ସମୟ ଧରି ଦୁହିଁଙ୍କ ମଧ୍ୟରେ ଫୋନରେ କଥାବାର୍ତ୍ତା ହୋଇଥିଲେ । ତୋସିଫ ଏହା ମଧ୍ୟ କହିଛିକି ତାଙ୍କୁ ପୂର୍ବରୁ ଗିରଫ କରାଯାଇଥିବାରୁ ସେ ଡାକ୍ତରୀ ଅଧ୍ୟୟନ କରିପାରିନଥିଲେ । ସେଥିପାଇଁ ସେ ନିକିତାଙ୍କଠାରୁ ପ୍ରତିଶୋଧ ନେବାକୁ ଚାହୁଁଥିଲେ । ସେଥିପାଇଁ ବିଚ ରାସ୍ତା ଉପରେ ନିକିତାଙ୍କୁ ଗୁଳିକରି ହତ୍ୟା କଲେ ।

ସୂଚନା ଅନୁଯାୟୀ, ରୋଜକା ମେଓର ବାସିନ୍ଦା ତୋସିଫ ନିକିତାଙ୍କ ସହ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ଅଧ୍ୟୟନ କରିଥିଲେ । ତୋସିଫ ଅନେକ ସମୟରେ ନିକିତାଙ୍କୁ ତାଙ୍କର ସାଙ୍ଗ ହେବା ପାଇଁ ବାଧ୍ୟ କରୁଥିଲେ । ଏନେଇ ନିକିତାଙ୍କୁ ୨୦୧୮ ମସିହାରେ ଅଭିଯୁକ୍ତ ଅପହରଣ ମଧ୍ୟ କରିଥିଲା । କିନ୍ତୁ ଗାଁ ପଞ୍ଚାୟତରେ ଏହାର ସମାଧାନ ହୋଇଥିଲା । ଏହା ପରେ ମଧ୍ୟ ତୋସିଫର ହଇରାଣ କରିବା ଆଚରଣ କମିନଥିଲା । ଯେଉଁଥିପାଇଁ ୨୦୧୮ରେ ତୋସିଫ ବିରୁଦ୍ଧରେ ଥାନାରେ ଏଫ୍‌ଆଇଆର ଦିଆଯାଇଥିଲା । ଯାହାପରେ ପୋଲିସ ଅଭିଯୁକ୍ତ ତୋସିଫକୁ ଗିରଫ କରିଥିଲା ।

ଜେଲରୁ ରିହା ହେବା ପରେ ତୋସିଫ କିଛି ଦିନ ହଇରାଣ କରିନଥିଲା । କିନ୍ତୁ ଗତ ସୋମବାର ସନ୍ଧ୍ୟାରେ ନିକିତା କିଛି ଦରକାରି କାଗଜ ନେଇ ବାହାରକୁ ଯାଉଥିଲା ବେଳେ ରାସ୍ତାରେ ଜଗିଥିଲା ତୋସିଫ । ଅପହରଣ ପାଇଁ କାର ଭିତରକୁ ଟାଣିବାକୁ ଲାଗିଲେ । ତେବେ ନିକିତା କାରକୁ ନଯିବାରୁ ତୋସିଫ ତାଙ୍କୁ ବିଚ ରାସ୍ତା ଉପରେ ଗୁଳିକରି ହତ୍ୟା କରିଥିଲା ।