ରାଜଧାନୀରେ ଆୟୋଜିତ ହେବ ‘ନାଇଟ୍ ବଜାର’
ଭୁବନେଶ୍ୱର: କୋଭିଡ ଯୋଗୁ ରୋଜଗାର ହରାଇଥିବା କଳାକାରମାନଙ୍କ ସହାୟତା ପାଇଁ ରାଜ୍ୟ ସରକାରଙ୍କ ପକ୍ଷରୁ ବଡ଼ ପ୍ରୟାସ । ଭୁବନେଶ୍ୱର ଏକାମ୍ର ହାଟରେ ଆୟୋଜିତ ହେବ ନାଇଟ୍ ବଜାର । ଯେଉଁଠି ସ୍ଥାନ ପାଇବ କଳା ଓ ସଂସ୍କୃତି ସହ ଖାଦ୍ୟ ସାମଗ୍ରୀ ଓ ହସ୍ତକଳାର ମେଳା ।
୨୯ ତାରିଖରୁ ଭର୍ଚୁଆଲରେ ଆରମ୍ଭ ହେବାକୁ ଥିବା ଏହି ମେଳା ଆସନ୍ତା ୨ତାରିଖରୁ ସର୍ବସାଧାରଣଙ୍କ ପାଇଁ ଉପଲବ୍ଧ ହେବ । ସେପଟେ କୋଭିଡ୍ ଯୋଗୁଁ ଦୀର୍ଘ ୯ ମାସ ଧରି ବନ୍ଦ ଥିବା ରବୀନ୍ଦ୍ର ମଣ୍ଡପ, ଭଞ୍ଜକଳା ମଣ୍ଡପ, ଜୟଦେବ ଭବନ ଓ ରାଜ୍ୟ ସଂଗ୍ରହାଳୟ ମଧ୍ୟ ଆସନ୍ତା ୨ ତାରିଖରୁ ଖୋଲିବ । ଏନେଇ ସୂଚନା ଦେଇଛନ୍ତି ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ନିର୍ଦ୍ଦେଶକ ରଞ୍ଜନ କୁମାର ଦାଶ।
