ପହଲଗାଓଁ ଆତଙ୍କବାଦୀ ହମଲାର ତଦନ୍ତ କରୁଛି NIA
1 min read
ନନ୍ଦିଘୋଷ ବ୍ୟୁରୋ : ପହଲଗାଓଁ ଆତଙ୍କବାଦୀ ହମଲାର ତଦନ୍ତ କରୁଛି NIA। ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି ଏନଆଇଏ ଟିମ୍। ଟିକିନିଖି ଅନୁଧ୍ୟାନ କରିବା ସହ ଆତଙ୍କୀ ଆକ୍ରମଣର ଖୋଳତାଡ଼ କରିବ। ଏହାସହ ସ୍ଥାନୀୟ ପୋଲିସ ଠାରୁ ମାମଲାର ଦାୟିତ୍ବ ମଧ୍ୟ ନେଇଛନ୍ତି ଏନଆଇଏ ଟିମ୍। ଘଟଣାର ତଦନ୍ତ ନେଇ ଗୃହ ମନ୍ତ୍ରାଳୟ ପକ୍ଷରୁ ବିଜ୍ଞପ୍ତି ଜାରି କରାଯାଇଛି। ପହଲଗାଓଁ ହମଲାରେ ପ୍ରାଣ ହରାଇଥିଲେ ୨୬ ଜଣ ଲୋକ। ଗତ ୨୨ ତାରିଖରେ ଘଟିଥିଲା ଏହି ଅମାନବିକ ଘଟଣା। ଏଥିରେ ଜଣେ ଓଡ଼ିଆ ଯୁବକଙ୍କ ମଧ୍ୟ ମୃତ୍ୟୁ ହୋଇଛି। ଅନ୍ୟପଟେ ପହଲଗାଓଁ ଅନନ୍ତନାଗରେ ୧୭୫ ଜଣଙ୍କୁ କବଜାକୁ ନେଇଛି ଜମ୍ମୁ ପୋଲିସ। ଆକ୍ରମଣ ଘଟଣାକୁ ନେଇ ପଚରା ଉଚରା କରାଯିବ।
