ଏନଜିଟି ନିର୍ଦ୍ଦେଶ, ଅଭୟାରଣ୍ୟ ପାଖରେ ରହିବନି ପଥର ଖଣି

ପଥର ଖଣି ଉପରେ ଜାତୀୟ ଗ୍ରୀନ ଟ୍ରିବୁନାଲଙ୍କ ଛାଟ । ପରିବେଶ ନିୟମକୁ ନମାନି ଅଭୟାରଣ୍ୟ ପାର୍ଶ୍ୱରେ ଚାଲିଥିବା ପଥର ଖଣି ବନ୍ଦ ପାଇଁ ଏନ୍‌ଜିଟି ନିର୍ଦ୍ଦେଶ ଦେଇଛନ୍ତି । ହଦଗଡ ସମେତ ୪ଟି ଅଭୟାରଣ୍ୟର ପାର୍ଶ୍ୱରେ ଥିବା ସମସ୍ତ ୯୭ଟି ପଥର ଖଣି ବନ୍ଦ କରିବାକୁ ରାଜ୍ୟ ସରକାରଙ୍କୁ ନିର୍ଦ୍ଦେଶ । ସେହି ପଥର ଖଣି ଗୁଡିକ ମଧ୍ୟରେ ଆନନ୍ଦପୁର ତହସିଲ ଅନ୍ତର୍ଗତ କୂଆମରା ପଥର ଖଣି ରହିଛି ।

ସେହିପରି ବାଲେଶ୍ଵର ଜିଲ୍ଲାର ଖଇରା ତହସିଲ ଅନ୍ତର୍ଗତ କପିଳଝର ଅଞ୍ଚଳର ପଥର ଖଣି ବିପକ୍ଷରେ ଗ୍ରୀନ ଟ୍ରିବୁନାଲ ଅକ୍ଟୋବର୧୬ ରେ ଶୁଣାଣି କରି ରାୟ ଦେଇଛନ୍ତି । ଜିଲ୍ଲାରେ ରହିଥିବା ପାଖାପାଖି ୧୧ଟି ପଥରଖଣିକୁ ବନ୍ଦ କରିବା ପାଇଁ ନିର୍ଦ୍ଦେଶ ଦିଆଯାଇଛି। ପରିବେଶ ନଷ୍ଟ ଓ ପ୍ରଦୂଷଣ ନେଇ ପିସିସିଏଫ୍‌ ଏନ୍‌ଜିଟିଙ୍କୁ ଦେଇଥିବା ରିପୋର୍ଟ ଆଧାରରେ ଶୁଣାଣି କରି ଏହି ନିର୍ଦ୍ଦେଶନାମା ଦେଇଛନ୍ତି । ')}