ବିବାହ ବେଦୀରେ ଶଙ୍ଖା କାଢି ଫୋପାଡ଼ି ଦେଲା କନ୍ୟା, ବେହୋସ ହେଲା ବର

ଜଳେଶ୍ୱର: ବିବାହ ବେଦୀ ଉପରେ ଶଙ୍ଖା କାଢ଼ି ଫୋପାଡ଼ି ଦେଲେ କନ୍ୟା । ବାଲେଶ୍ୱର ଜିଲ୍ଲା ବାଲିଆଳ ଥାନା ରେମୁ ଗାଁରେ ଘଟିଛି ଏଭଳି ଆଶ୍ଚର୍ଯ୍ୟକର ଘଟଣା । ଯାହାର ଭିଡ଼ିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହି ଭିଡିଓ ୪ ଦିନ ପୂର୍ବର ବୋଲି ଜଣାପଡ଼ିଛି ।

ସୂଚନା ଅନୁସାରେ, ବାଲିଆପାଳ ଥାନା ରେମୁ ଗାଁରେ ବେଶ୍‌ ସୁରୁଖୁରୁରେ ବାହାଘର ଚାଲିଥିଲା । ହଠାତ୍‌ ବିବାହ ବେଦୀରୁ ଉଠିଗଲା ଝିଅ । ହାତଗଣ୍ଠି ପଡ଼ିସାରିବା ପରେ ସିନ୍ଦୂର ପିନ୍ଧାଇବା ସମୟରେ କନ୍ୟା ଜଣଙ୍କ ହାତରୁ ଶଙ୍ଖା ଫୋପାଡି ଦେଇଥିଲେ । ଏହା ଦେଖି ବର ବେହୋସ ହୋଇଯାଇଥିଲା । ତେବେ କନ୍ୟାକୁ ପରିବାର ଲୋକ ମାଡ଼ମାରି ଘରକୁ ନେଇଯାଇଥିଲେ । ହେଲେ କନ୍ୟାଜଣଙ୍କ ଭଲ ପାଉଥିବା ଯୁବକଙ୍କ ଘରକୁ ଯାଇଥିବା ଚର୍ଚ୍ଚା ହେଉଛି । ସେପଟେ ବର ଅନ୍ୟ ଏକ ଜାଗାରେ ବିବାହ କରିଥିବା ଜଣାପଡ଼ିଛି ।