ଜୁନ୍ରେ ବିବାହ କରିଥିଲେ, ଅଗଷ୍ଟରେ ଜୀବନ ହାରିଲେ ନବବଧୂ
ଭୁବନେଶ୍ବର: ଶାଶୂଘର ନିର୍ଯାତନା ସହି ନପାରି ଜୀବନ ହାରିଲେ ନବବଧୂ । ଭୁବନେଶ୍ବର ମଞ୍ଚେଶ୍ବର ଥାନା ଜିଜିପି କାଲୋନୀରେ ଘଟିଛି ଏଭଳି ଘଟଣା । ମୃତା ନବବଧୂ ହେଲେ ପ୍ରଜ୍ଞା ପାରମିତା ସ୍ବାଇଁ । ପ୍ରଜ୍ଞାଙ୍କୁ ଶାରୀରିକ ଓ ମାନସିକ ନିର୍ଯାତନା ଦିଆଯାଉଥିଲା ବୋଲି ତାଙ୍କ ଭାଇ ଥାନାରେ ଅଭିଯୋଗ କରିଛନ୍ତି । ୨୦୨୨ ଜୁନ ୮ ତାରିଖରେ ବିବାହ କରିଥିଲେ ପ୍ରଜ୍ଞା ।
ପଟିଆରେ ରହୁଥିବା ପ୍ରଶାନ୍ତ ପାତ୍ରଙ୍କ ସହ ପ୍ରଜ୍ଞାଙ୍କ ବିବାହ ହୋଇଥିଲା । କ୍ୟାନସର ସନ୍ଦେହରେ ପ୍ରଜ୍ଞାଙ୍କୁ ଶାଶୂଘର ଲୋକ ଘରୁ ବାହାର କରି ଦେଇଥିଲେ । କିନ୍ତୁ କ୍ୟାନସର ନୁହେଁ, ତାଙ୍କର ଦାନ୍ତବିନ୍ଧା ହେଉଥିବା ପରେ ଜଣାପଡ଼ିଥିଲା । ମାନସିକ ଚିନ୍ତାରେ ବେକରେ ରଶି ଲଗାଇ ପ୍ରଜ୍ଞା ଆତ୍ମହତ୍ୟା କରିଥିବା ଅଭିଯୋଗ ହୋଇଛି ।
ଘଟଣାର ତଦନ୍ତ ଆରମ୍ଭ କରିଛି । ନବବଧୂଙ୍କ ଶାଶୂଘର ଲୋକଙ୍କୁ ତଦନ୍ତ ପରିସରକୁ ନେଇ ପଚରାଉଚୁରା କରିପାରେ ପୋଲିସ ।
