AIIMSରେ ଚିକିତ୍ସା ପାଇଁ ଆସିଲା ନୂଆ ଆପ୍, ଜାଣନ୍ତୁ ଏହାର ବ୍ୟବହାର କେମିତି କରିବେ
1 min read
ଭୁବନେଶ୍ୱର: କରୋନା କଟକଣା ପାଇଁ ଜୁଲାଇ ୧୦ ତାରିଖ ଠାରୁ ପରବର୍ତ୍ତୀ ବଜ୍ଞକ୍ତି ପର୍ଯ୍ୟନ୍ତ AIIMSର ସମସ୍ତ ବର୍ହିବିଭାଗ ଚିକିତ୍ସା ସେବା ବନ୍ଦ ରହିଛି । କରୋନା ପଜିଟିଭ ବାହାରିବା ପରେ ଏଭଳି ନିଷ୍ପତ୍ତି ନିଆଯାଇଛି । ତେବେ ଏହି ବିଭାଗ ଗୁଡ଼ିକ ବନ୍ଦ ରହିବା ଫଳରେ ବହୁ ରୋଗୀ ନିଶ୍ଚିତ ଭାବରେ ଅସୁବିଧାର ସମ୍ମୁଖିନ ହେବେ । ଏନେଇ ରୋଗୀ ସେବା ପାଇଁ ଭୁବନେଶ୍ୱର AIIMS ଆରମ୍ଭ କରିଛି ସ୍ୱତନ୍ତ୍ର ଆପ ବ୍ୟବସ୍ଥା । ସ୍ଵାସ୍ଥ୍ୟ ନାମକ ଆପ ମାଧ୍ୟମରେ ଡାକ୍ତରଙ୍କ ଠାରୁ ପରାମର୍ଶ ନେଇପାରିବେ ରୋଗୀ ।
ଯେଉଁ ମାଙ୍କର ଟେଲି ମେଡିସିନ ପାଇଁ ବ୍ୟବସ୍ଥା ରହିଛି ସେମାନେ ମଗାଇ ପାରିବେ । ନହେଲେ ସେମାନେ ଏହି ଆପ୍ ମାଧ୍ୟମରେ ରୋଗର ଚିକିତ୍ସା ହୋଇପାରିବେ । ପ୍ଲେ ଷ୍ଟୋରରେ AIIMS ଭୁବନେଶ୍ୱର ସ୍ୱାସ୍ଥ୍ୟ ଆପକୁ ଡାଉନଲୋଡ କରିପାରିବେ ।
ଏହାପରେ ରୋଗୀଙ୍କ ପରିଚୟ ଦେବା ସହ ରୋଗର ଲକ୍ଷଣ ସଂପର୍କରେ ତଥ୍ୟ ଦେବାକୁ ପଡ଼ିବ। ପୂର୍ବ ହୋଇଥିବା ଟ୍ରିଟମେଣ୍ଟର ପ୍ରେସକ୍ରିପସନ ଓ ରିପୋର୍ଟ ଅପଲୋଡ଼ କରିବାକୁ ପଡ଼ିବ । ଏହାପରେ ଆପଣଙ୍କ ପାଇଁ ଅନଲାଇନରେ ଥିବା ଡାକ୍ତର ଆପଣଙ୍କୁ କଣ କରିବାକୁ ପଡ଼ିବ ସେନେଇ ସୂଚନା ଦେବେ ।
ତେବେ ଆପରେ ଆପଣ କେଉଁ ବିଭାଗର ଡାକ୍ତରଙ୍କ ସହ ଯୋଗାଯୋଗ କରିବାକୁ ଚାହୁଁଛନ୍ତି ସେ ବିଭାଗକୁ ବାଛିବାକୁ ପଡ଼ିବ । ଏହାପରେ ଡାକ୍ତରଙ୍କ ପକ୍ଷରୁ ଅଡିଓ କଲ ଓ ଆବଶ୍ୟକ ପଡ଼ିଲେ ଭିଡିଓ କଲ କରାଯିବ । ଏହାସହ ଆଶୁ ଚିକିତ୍ସା ବିଭାଗ ୨୪ ଘଣ୍ଟା ଖୋଲା ରହିବ ବୋଲି AIIMS ସୁପରିଟେଣ୍ଡେଣ୍ଟ ସୂଚନା ଦେଇଛନ୍ତି । ଏହାସହ ପୂର୍ବ ଭଳି ଟେଲି ମେଡିସିନ ବ୍ୟବସ୍ଥା ଜାରି ରହିବ ।
