ନୟାଗଡ଼: ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ନବଜାତ ଶିଶୁ ନିଖୋଜ ଅଭିଯୋଗ। ଟିକା ଦେବାକୁ ନେଇ ନର୍ସ ଜଣଙ୍କ ନବଜାତକକୁ କେଉଁଆଡ଼େ ନେଇଯାଇଥିବା ଅଭିଯୋଗ କରିଛନ୍ତି ପରିବାର ଲୋକେ।
ଅଭିଯୋଗ ଅନୁସାରେ ଗତ ୨୮ ତାରିଖରେ ନୋତର ଗାଁର ରବି ସ୍ବାଇଁଙ୍କର ପୁତ୍ର ସନ୍ତାନ ଜନ୍ମ ହୋଇଥିଲା । ଏହା ପରେ ନର୍ସ ଜଣଙ୍କ ଟିକା ଦେବାକୁ ଶିଶୁକୁ ନେଇ ଆଉ ଫେରାଇନଥିବା ଅଭିଯୋଗ ହୋଇଛି । ଏନେଇ ଥାନାରେ ଅଭିଯୋଗ କରିଛନ୍ତି ନବଜାତର ବାପା ମାଆ । ସେପଟେ ଏସମ୍ପର୍କରେ କିଛି ଜାଣିନଥିବା କହିଛନ୍ତି ସିଡିଏମଓ ।
ଅପରପକ୍ଷେ ସଂପୃକ୍ତ ନର୍ସଙ୍କୁ ପଚାରିଲେ ମଧ୍ୟ କୌଣସି ଉତ୍ତର ଦେଉନଥିବା ଅଭିଯୋଗ କରିଛନ୍ତି ନବଜାତକର ବାପା ଓ ମାଆ।
