ନନ୍ଦିଘୋଷ ବ୍ୟୁରୋ : ଆଜିଠୁ ଆରମ୍ଭ ହେବ T-20 ବିଶ୍ବକପର ସୁପର-୮ ମ୍ୟାଚ । ସୁପର 8 ପର୍ଯ୍ୟାୟରେ, ସମସ୍ତ ଦଳକୁ ଚାରିଟି ଲେଖାଏଁ ଦୁଇଟି ଗ୍ରୁପରେ ବିଭକ୍ତ କରାଯାଇଛି । ଏହି ପର୍ଯ୍ୟାୟରେ ମୋଟ ୧୨ଟି ମ୍ୟାଚ୍ ଖେଳାଯିବ। କିଏ ସେମିଫାଇନାଲ୍ ଯିବ ଆଜିଠୁ ମାର୍ଚ୍ଚ ୧ ତାରିଖ ପର୍ଯ୍ୟନ୍ତ ଖେଳାଯିବାକୁ ଥିବା ଏହି ୧୨ଟି ମ୍ୟାଚ୍ ନିର୍ଣ୍ଣୟ କରିବ । ଉଭୟ ଗ୍ରୁପର ଶୀର୍ଷ-2 ପଏଣ୍ଟ ଟେବୁଲରେ ସ୍ଥାନ ପାଇଥିବା ଦଳଗୁଡ଼ିକ ସେମିଫାଇନାଲରେ ପହଞ୍ଚିବେ।
ଗୃପ-୧ ରେ ରହିଛନ୍ତି ଭାରତ, ୱେଷ୍ଟଇଣ୍ଡିଜ୍, ଦକ୍ଷିଣ ଆଫ୍ରିକା, ଜିମ୍ବାୱେ। ସେହିଭଳି ଗୃପ-୨ରେ ପାକିସ୍ତାନ, ନ୍ୟୁଜିଲ୍ୟାଣ୍ଡ, ଇଂଲଣ୍ଡ ଏବଂ ଶ୍ରୀଲଙ୍କା ରହିଛନ୍ତି । ଆଜି ପାକିସ୍ତାନ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ କେବଳ ଗୋଟିଏ ସୁପର 8 ମ୍ୟାଚ୍ ଖେଳାଯିବ। ଏହି ମ୍ୟାଚ୍ ସନ୍ଧ୍ୟା ୭ଟାରେ ଆରମ୍ଭ ହେବ। ଆସନ୍ତାକାଲି ଅହମ୍ମଦାବାଦରେ ଦକ୍ଷିଣ ଆଫ୍ରିକା ବିପକ୍ଷରେ ଖେଳିବ ଭାରତ ।
