ଭାରତର ଆକ୍ରମଣାତ୍ମକ ବୋଲିଂ; ମାତ୍ର ୬୨ ରନରେ ନ୍ୟୁଜିଲାଣ୍ଡ ଅଲଆଉଟ

ମୁମ୍ବାଇ: ଭାରତ-ନ୍ୟୁଜିଲାଣ୍ଡ ମଧ୍ୟରେ ମୁମ୍ବାଇର ଓ୍ୱାଙ୍ଖେଡ ଷ୍ଟାଡିୟମରେ ଖେଳାଯାଉଛି ଦ୍ବିତୀୟ ତଥା ଅନ୍ତିମ ଟେଷ୍ଟ । ତେବେ ମୁମ୍ବାଇ ଟେଷ୍ଟରେ ଶନିବାର ଥିଲା ଦ୍ୱିତୀୟ ଦିନ । ଦ୍ବିତୀୟ ଦିନରେ ମ୍ୟାଚକୁ ନିଜ ପକ୍ଷକୁ ଆଣିଛି ଟିମ୍ ଇଣ୍ଡିଆ । ଦ୍ୱିତୀୟ ଟେଷ୍ଟରେ ଟସ୍ ଜିତି ବ୍ୟାଟିଂର ନିଷ୍ପତି ନେଇଥିଲା ଟିମ୍ ଇଣ୍ଡିଆ । ତେବେ ପ୍ରଥମ ଇନିଂସରେ ଭାରତ ୩୨୫ ରନ କରିଥିଲା । ନ୍ୟୁଜିଲାଣ୍ଡ ପକ୍ଷରୁ ଏଜାଜ ପଟେଲ ଭାରତର ସମସ୍ତ ୧୦ ଓ୍ୱିକେଟ ଅକ୍ତିଆର କରିଛନ୍ତି । ଏଥିସହ ଏଜାଜ ବିଶ୍ବର ତୃତୀୟ ବୋଲର ଭାବରେ ଗୋଟିଏ ଇନିଂସରେ ହାସଲ କରିଛନ୍ତି ସମସ୍ତ ୧୦ ଓ୍ୱିକେଟ । ଏହା ପୂର୍ବରୁ ଏହି ରେକର୍ଡ ଜିମ୍ ଲକେର ଏବଂ ଭାରତର ଅନିଲ କୁମ୍ବଲେଙ୍କ ନାମରେ ଥିଲା । ଭାରତ ଦ୍ବିତୀୟ ଦିନରେ ଅଲଆଉଟ ହେବା ପରେ ନ୍ୟୁଜିଲାଣ୍ଡକୁ ମଧ୍ୟ ଅଲଆଉଟ କରିଥିଲା । ନ୍ୟୁଜିଲାଣ୍ଡ ପ୍ରଥମ ଇନିଂସରେ ମାତ୍ର ୬୨ ରନ କରି ଅଲଆଉଟ ହୋଇଥିଲା ।

New Zealand are all out for 62! #WTC23 | #INDvNZ | https://t.co/EdvFj8QtKD pic.twitter.com/E48ktesYJU

— ICC (@ICC) December 4, 2021

ପ୍ରଥମ ଇନିଂସରେ ଭାରତ ୩୨୫ ରନରେ ଅଲଆଉଟ କରିବା ପରେ ବ୍ୟାଟିଂ କରିବାକୁ ଆସିଥିଲା ନ୍ୟୁଜିଲାଣ୍ଡ । ପ୍ରଥମ ଇନିଂସରେ ବ୍ୟାଟିଂ କରିବାକୁ ଆସିଥିବା ନ୍ୟୁଜିଲାଣ୍ଡ ଆରମ୍ଭରୁ ବ୍ୟାଟିଂ ବିପର୍ଯୟର ସମ୍ମୁଖୀନ ହୋଇଥିଲା । ଭାରତର ବୋଲିଂ ଆଟାକ ଆଗରେ ଅଧିକ ସମୟ ତିଷ୍ଠି ପାରିନଥିଲା କିଓ୍ୱି ଟିମ୍ । କ୍ରମାଗତ ଭାବରେ ଓ୍ୱିକେଟ ଅକ୍ତିଆର କରି ନ୍ୟୁଜିଲାଣ୍ଡକୁ ବ୍ୟାକଫୁଟରେ ରଖିଥିଲା ଟିମ୍ ଇଣ୍ଡିଆ । ଯାହା ଫଳରେ ମାତ୍ର ୬୨ ରନରେ ଅଲଆଉଟ ହୋଇଥିଲା ନ୍ୟୁଜିଲାଣ୍ଡ । ନ୍ୟୁଜିଲାଣ୍ଡ ପକ୍ଷରୁ ଅଧିନାୟକ ଟମ୍ ଲାଥମ ଏବଂ ଅଲରାଉଣ୍ଡର କାଏଲ ଜେମିସନଙ୍କ ବ୍ୟତୀତ ଆଉ କୌଣସି ବ୍ୟାଟ୍ସମ୍ୟାନ ଦୁଇ ଅଙ୍କ ଛୁଇଁ ପାରିନଥିଲେ । ଭାରତ ପକ୍ଷରୁ ରବିଚନ୍ଦ୍ରନ ଅଶ୍ୱିନୀ ୪ଟି, ମହମ୍ମଦ ସିରାଜ ୩ଟି, ଅକ୍ଷର ପଟେଲ ୨ଟି ଏବଂ ଜୟନ୍ତ ଯାଦବ ଗୋଟିଏ ଓ୍ୱିକେଟ ଅକ୍ତିଆର କରିଥିଲେ ।