ବିଶ୍ୱର ପ୍ରଥମ କରୋନା ମୁକ୍ତ ଦେଶ ହେଲା ନ୍ୟୁଜିଲାଣ୍ଡ

ୱିଲିଂଟନ: ବିଶ୍ୱର ପ୍ରଥମ ଦେଶ ଭାବେ ନ୍ୟୁଜିଲାଣ୍ଡ କରୋନା ମୁକ୍ତ ହୋଇଛି। ଏ ନେଇ ନ୍ୟୁଜିଲାଣ୍ଡ ସରକାରଙ୍କ ପକ୍ଷରୁ ଘୋଷଣା କରାଯାଇଛି। ଦେଶରେ ଗୋଟିଏ ବି କରୋନା ଆକ୍ଟିଭ୍ କେସ୍ ନ ଥିବା ବେଳେ ଆଉ କେହି କରୋନା ଆକ୍ରାନ୍ତ ମଧ୍ୟ ଚିହ୍ନଟ ହୋଇ ନାହାନ୍ତି। ଏହି ଖବର ଜାଣିବା ପରେ ନ୍ୟୁଜିଲାଣ୍ଡ ପ୍ରଧାନମନ୍ତ୍ରୀ ଜାସିଣ୍ଡା ଆରଡେର୍ନ ଖୁସି ମନାଇଛନ୍ତି।

ନ୍ୟୁଜିଲାଣ୍ଡରେ ଜଣେ ହେଲେ କରୋନା ରୋଗୀ ନ ଥିବାରୁ ଦେଶରେ ମାସ୍କ ପିନ୍ଧିବା ଓ ସାମାଜିକ ଦୂରତା ରକ୍ଷା କଟକଣା ମଧ୍ୟ ହଟାଇ ଦିଆଯାଇଛି।ହେଲେ ବିଦେଶିମାନଙ୍କ ପାଇଁ କିନ୍ତୁ ସୀମା ଏବେ ମଧ୍ୟ ସିଲ୍ ରହିଛି। ଗତ ମାର୍ଚ୍ଚ ୨୫ ଠାରୁ ନ୍ୟୁଜିଲାଣ୍ଡରେ ମହାମାରୀ କରୋନା ପାଇଁ ଲକ୍‌ଡାଉନ୍ ଜାରି କରାଯାଇଥିଲା। ହେଲେ ଏବେ ଦେଶ ସ୍ୱାଭାବିକ ସ୍ଥିତିକୁ ଫେରି ଆସିଛି ବୋଲି କୁହାଯାଇଛି। ପ୍ରଧାନମନ୍ତ୍ରୀ ଜାସିଣ୍ଡା କହିଛନ୍ତି ଏବେ ଦେଶ ସ୍ୟାସ୍ଥ୍ୟ ସେବାରେ ସମସ୍ତ ଧ୍ୟାନ ନ ଦେଇ କେବଳ ଆର୍ଥିକ ବିକାଶ ଉପରେ ଧ୍ୟାନ ଦେବ।