ଆଜି ନନ୍ଦିଘୋଷ ଟିଭିରେ ‘ନିଝୁମ ରାତିର ସାଥୀ’

ଭୁବନେଶ୍ବର: ଆଜି ବର୍ଷର ଶେଷ ଦିନ । ଶେଷ ଦିନକୁ ବିଦାୟ ଦେଇ ନୂଆ ବର୍ଷକୁ ସ୍ବାଗତ କରିବାକୁ ନନ୍ଦିଘୋଷ ଟିଭି ଆପଣଙ୍କ ପାଇଁ ନେଇ ଆସୁଛି ନ୍ୟୁୟର ସେଲିବ୍ରେସନ୍ ‘ନିଝୁମ ରାତିର ସାଥୀ’ । ଆଜି ରାତି ୯ଟା ୫ରୁ ଦେଖନ୍ତୁ କେବଳ ନନ୍ଦିଘୋଷ ଟିଭିରେ ।

କୁନା ତ୍ରିପାଠୀ, ପପୁ ପମପମ୍, ପ୍ରଜ୍ଞାନ, ଶଙ୍କରଙ୍କ ତଡକାରେ ହସି ହସି ହେବେ ବେଦମ୍ । ସୁର ଭାଇଙ୍କ ମାଡ଼ିଚାଲ ଡାକରେ ଦର୍ଶକ ହେବେ ମତୁଆଲା । ଏକାଠି ହେବେ ଓଲିଉଡ଼ କଳାକାରଙ୍କ ସହିତ ବହୁ ବିଶିଷ୍ଠ ବ୍ୟକ୍ତି । ନୃତ୍ୟଗୀତ ଓ ସଙ୍ଗୀତରେ ଝୁମିବ ଏହି ରାତି । କଳାକାରଙ୍କ ଠୁମକାରେ ଦୁଲୁକିବ ମଞ୍ଚ ।

ଦର୍ଶକଙ୍କ ମନୋରଞ୍ଜନ ପାଇଁ ସବୁ ପ୍ରକାର ଆଇଟମ୍ ଏହି ଶୋ’ରେ ଦେଖିବାକୁ ମିଳିବ । କୋଭିଡ କଟକଣା ଭିତରେ ସାରା ପରିବାର ଏକାଠି ଏହି ଶୋ’ର ମଜା ଉଠାଇପାରିବେ । ଦର୍ଶକଙ୍କୁ ଭରପୁର ମନୋରଞ୍ଜନ ଦେବ ଆଉ ମତୁଆଲା କରିବ ‘ନିଝୁମ ରାତିର ସାଥୀ’ ।