ନୂଆ ବର୍ଷରେ ଆମେରିକାରେ ଆତଙ୍କବାଦୀ ଆକ୍ରମଣ,ଭିଡ଼ ଉପରେ ଟ୍ରକ୍ ଚଢାଇ ୧୨ଙ୍କୁ ହତ୍ୟା

ନନ୍ଦିଘୋଷ ବ୍ୟୁରୋ: ନୂଆବର୍ଷରେ ସବୁଠି ଖୁସିର ମାହୋଲ ରହିଥିବାବେଳେ ଆମେରିକାର ନ୍ୟୁ ଓରିଲିନ୍ସରୁ ଆସିଛି ଏକ ହୃଦୟବିଦାରକ ଖବର । ଭିଡ଼ ଭିତରେ ଏକ ଟ୍ରକ ପଶିବା ସହ ଲୋକଙ୍କ ଉପରେ ଚଢ଼ାଇ ଦେଇଛି । ଯେଉଁଥିରେ ୧୨ ଜଣଙ୍କ ଜୀବନ ଚାଲିଯାଇଛି  ଏବଂ ୩୦ରୁ ଅଧିକ ଲୋକ ଆହତ ହୋଇଛନ୍ତି । ପୋଲିସ ସୂତ୍ରରୁ ମିଳିଥିବା ଏକ ସୂଚନା ଅନୁସାରେ ସହରର ଜଣାଶୁଣା ସ୍ଥାନ ବର୍ବନ ଷ୍ଟ୍ରିଟ ଅଞ୍ଚଳରେ ଏକ କାର ଦୁର୍ଘଟଣା ଦେବା କାରଣରୁ ଏଭଳି ହୋଇଛି । ସେପଟେ ପ୍ରତ୍ୟେକ୍ଷଦର୍ଶୀଙ୍କ କହିବା ଅନୁସାରେ ଏକ ଟ୍ରକ ଗହଳି ଅଞ୍ଚଳକୁ ଆସିଥିଲା ଏବଂ ଡ୍ରାଇଭର ଜଣକ ଆଖିବୁଜା ଗୁଳି ଚଳାଇଥିଲା । ଯାହା ଫଳରେ ଏଭଳି ଅଘଟଣ ଘଟିଛି ।