ଚୀନ୍‌ରେ ବ୍ୟାପୁଛି ଆଉ ଏକ ଭୂତାଣୁ: ପୂର୍ବରୁ ନେଇ ସାରିଛି ଲକ୍ଷ ଲକ୍ଷ ଲୋକଙ୍କ ଜୀବନ

ବେଜିଂ: କରୋନା ସହ ଯୁଝୁଥିବା ସାରା ବିଶ୍ୱବାସୀଙ୍କ ପାଇଁ ମାଡ଼ି ଆସୁଛି ଆଉ ଏକ ବିପଦ । ଏବେ ପୁଣି ଥରେ ଚୀନରେ ବ୍ୟାପିବାରେ ଲାଗିଛି ଆଉ ଏକ ଭୟଙ୍କର ଭୂତାଣୁ । ଯାହା ଏବେ ସାରା ବିଶ୍ୱକୁ ବ୍ୟାପିବାର ଆଶଙ୍କା ଦେଖାଦେଇଛି । ଏହି ରୋଗ ପୂର୍ବରୁ ମଧ୍ୟ ଲକ୍ଷ ଲକ୍ଷ ଲୋକଙ୍କ ଜୀବନ ନେଇଛି । ପ୍ରଥମ ଥର ପାଇଁ ଏହା 5 କୋଟି, ଦ୍ୱିତୀୟ ଥରରେ ସମଗ୍ର ୟୁରୋପୀୟ ଜନସଂଖ୍ୟାର ଏକ ତୃତୀୟାଂଶ ଏବଂ ତୃତୀୟ ଥର 80 ହଜାର ଲୋକଙ୍କ ଏଥିରେ ମୃତ୍ୟୁ ଘଟିଛି ।

ଏବେ ପୁଣି ଥରେ ଚାଇନାରେ ଏହି ରୋଗ ବୃଦ୍ଧି ପାଉଛି । ଏହି ରୋଗର ନାମ ହେଉଛି ବୁବୋନିକ୍‌ ପ୍ଳେଗ୍‌ (Bubonic Plague)। ଉତ୍ତର ଚୀନ୍‌ର ଏକ ଡାକ୍ତରଖାନାରେ ବୁବୋନିକ୍‌ ପ୍ଳେଗ୍‌ ମାମଲା ଘଟିବା ପରେ ଏକ ସରକାରଙ୍କ ପକ୍ଷରୁ ଆଲର୍ଟ ଜାରି କରାଯାଇଛି । ଚାଇନାର ମୋଙ୍ଗୋଲିଆ ଅଞ୍ଚଳରେ ବୁବୋନିକ୍‌ ପ୍ଳେଗ୍‌କୁ ରୋକିବା ଲାଗି ତୃତୀୟ ସ୍ତରୀୟ ଚେତାବନୀ ଜାରି କରାଯାଇଛି ।

ଶନିବାର ଦିନ ବାନାନୁରର ଏକ ଡାକ୍ତରଖାନାରେ ବୁବୋନିକ୍ ପ୍ଳେଗ୍‌ର ମାମଲା ସାମ୍ନାକୁ ଆସିଛି । ୨୦୨୦ ଶେଷ ପର୍ଯ୍ୟନ୍ତ ସ୍ଥାନୀୟ ସ୍ୱାସ୍ଥ୍ୟ ବିଭାଗ ଏହି ଚେତାବନୀ ଦେଇଛି । ଲୋକଙ୍କୁ ସତର୍କ ରହିବାକୁ କୁହାଯାଇଛି। କାରଣ ଏହି ରୋଗ ବଣୁଆ ମୂଷାଙ୍କ ଠାରେ ମିଳୁଥିବା ଭୂତାଣୁରୁ ବ୍ୟାପିଥାଏ ।

Due to a suspected case of bubonic #plague, a city in northern China announced a level III warning of plague prevention and control on Sunday. https://t.co/2qek0ttVu6 pic.twitter.com/H6z1NDqTdD

— China Daily (@ChinaDaily) July 6, 2020

ଭୟଙ୍କର ଭୂତାଣୁ ରୋଗ ‘ବୁବୋନିକ୍ ପ୍ଳେଗ୍’ ବର୍ତ୍ତମାନ ଚାଇନାରେ ବ୍ୟାପିସାରିଛି

ଏହି ଭୟଙ୍କର ଭୂତାଣୁର ନାମ ହେଉଛି ୟର୍ସିନିଆ ପେଷ୍ଟିସ୍ ବ୍ୟାକ୍ଟେରିଆ | ଏହି ଜୀବାଣୁ ଶରୀରର ଲସିକା ଗ୍ରନ୍ଥି, ରକ୍ତ ଏବଂ ଫୁସଫୁସକୁ ଆକ୍ରମଣ କରନ୍ତି। ଏହାଦ୍ୱାରା ଆଙ୍ଗୁଠିଗୁଡିକ କଳା ପଡ଼ିଯାଏ | ନାକର ମଧ୍ୟ ସମାନ ଅବସ୍ଥା ହୋଇଯାଏ । ଚାଇନା ସରକାର ବାନାନୁର ସହରରେ ମହାମାରୀ ବିସ୍ତାର ହେବାର ସମ୍ଭାବନାକୁ ପ୍ରକାଶ କରିଛନ୍ତି।

ଏହା ଦ୍ୱାରା ମଣିଷ ସଂକ୍ରମିତ ହେବା ପରେ ଶରୀରରେ ଅସହ୍ୟ ଯନ୍ତ୍ରଣା ଓ ଜ୍ୱର ହୋଇଥାଏ । ଏଥିସହିତ ନାଡ଼ିର ଗତି ଦ୍ରୁତ ହୋଇଯାଏ । ବୁବୋନିକ୍‌ ପ୍ଳେଗ୍ ପ୍ରଥମେ ବଣୁଆ ମୂଷାଙ୍କ ଠାରେ ଦେଖାଯାଏ | ମୂଷା ମରିଯିବା ପରେ, ତା’ର ମୃତଶରୀରେ ପୋକ୍ ମାଡ଼ିଯାଅନ୍ତି ଏବଂ ଏହା ଦ୍ୱାରା ପୋକମାନେ ସଂକ୍ରମିତ ହୁଅନ୍ତି । ଏହି ପୋକମାନେ ଯେତେବେଳେ ମଣିଷଙ୍କୁ କାମୁଡ଼ନ୍ତି, ତାହା ମଣିଷ ଶରୀରରେ ଏକ ତରଳ ପଦାର୍ଥକୁ ଛାଡିଦିଏ |

ଏହାର ଠିକ୍ ପରେ, ଜଣେ ବ୍ୟକ୍ତି ସଂକ୍ରମିତ ହେବା ଆରମ୍ଭ କରେ | ମୂଷା ମରିବାର ୨ରୁ ୩ ସପ୍ତାହରେ ଏହି ପ୍ରକ୍ରିୟା ଆରମ୍ଭ ହୋଇଥାଏ । ସାରା ବିଶ୍ୱରେ ପ୍ରାୟ 3248 ବୁବୋନିକ୍‌ ମହାମାରୀ ରିପୋର୍ଟ ହୋଇଛି। ସେଥିମଧ୍ୟରୁ 584 ଜଣଙ୍କର ମୃତ୍ୟୁ ହୋଇଛି। ଏହି ବର୍ଷଗୁଡିକରେ, ଅଧିକାଂଶ ମାମଲା ଡେମୋକ୍ରାଟିକ୍ ରିପବ୍ଲିକ୍ ଅଫ୍ କଙ୍ଗୋ, ମାଡାଗାସ୍କର, ପେରୁରେ ଆସିଥିଲା ​​|