କରୋନାର ଦ୍ବିତୀୟ ପର୍ଯ୍ୟାୟ ଆକ୍ରମଣ, ଏହି ସବୁ ଲକ୍ଷଣ ଆପଣଙ୍କ ଠାରେ ଦେଖାଯାଉଛି କି ?

1 min read
Coronavirus Cold Or Flu Only A Difference Of Breathing Problem Can Reveal The Mystery

ନୂଆଦିଲ୍ଲୀ: ଦେଶରେ କରୋନା ସଂକ୍ରମଣର ଦ୍ୱିତୀୟ ପ୍ରବାହ ଜାରି ରହିଥିବା ବେଳେ ସରକାରଙ୍କ ପକ୍ଷରୁ ବିଭିନ୍ନ ସତର୍କତା ମୂଳକ ପଦକ୍ଷେପ ଗ୍ରହଣ କରାଯାଉଛି । ହେଲେ ପୂର୍ବ ଠାରୁ ଦ୍ୱିତୀୟ ଲହର କରୋନାର ଲକ୍ଷଣ ଅନେକାଂଶରେ ଭିନ୍ନ ରହିଛି ।

ବିଶେଷତଃ ଦ୍ୱିତୀୟ ପ୍ରବାହରେ ଲୋକଙ୍କ ଶରୀରରେ କରୋନା ଲକ୍ଷଣ ଦେଖାଯାଉଥିଲେ ମଧ୍ୟ ସେମାନଙ୍କର RT-PCR ଟେଷ୍ଟ ରିପୋର୍ଟ ନେଗେଟିଭ ବାହାରୁଛି । ଯାହା ଫଳରେ ଡାକ୍ତର ଏବଂ ସ୍ୱାସ୍ଥ୍ୟ ବିଶେଷଜ୍ଞ  ମାନଙ୍କ ପାଇଁ ଏହା ଆଉ ଏକ ମୁଣ୍ଡବିନ୍ଧାର କାରଣ ପାଲଟିଛି । ଅର୍ଥାତ୍ ବର୍ତ୍ତମାନ ସମୟରେ କରୋନା ସଂକ୍ରମଣକୁ ଟେଷ୍ଟ ଯୋଗେ ସଂପୂର୍ଣ୍ଣ ରୂପେ ଚିହ୍ନଟ କରାଯାଇପାରୁନାହିଁ । ଡବଲ୍ ମ୍ୟୁଟାଣ୍ଟ ଭୂତାଣୁର କିଛି ଅସାମାନ୍ୟ ଲକ୍ଷଣ ଅଛି ।

ଆସନ୍ତୁ ଜାଣିବା, କରୋନା ଭୂତାଣୁର କେଉଁସବୁ ନୂଆ ଲକ୍ଷଣ ରହିଛି…

ଗଳା ଯନ୍ତ୍ରଣା – ଯଦି ଆପଣଙ୍କ ଗଳା କୁଣ୍ଡେଇ ହେବା, ଗଳା ଫୁଲିଯିବା କିମ୍ବା ଯନ୍ତ୍ରଣା ଅନୁଭବ କରୁଛନ୍ତି । ତେବେ ଏହା କୋଭିଡର ଅନ୍ୟ ଏକ ଲକ୍ଷଣ ମଧ୍ୟ ହୋଇପାରେ | ସମଗ୍ର ବିଶ୍ୱରେ ପ୍ରାୟ ୫୨ ପ୍ରତିଶତ କରୋନା ରୋଗରେ ଗଳା ଯନ୍ତ୍ରଣା ପରି ଲକ୍ଷଣ ଦେଖାଯାଉଛି।

କ୍ଲାନ୍ତି ଲାଗିବା- ବ୍ରିଟେନର ବିଶେଷଜ୍ଞଙ୍କ ଅନୁଯାୟୀ, କରୋନା ହେଲେ ଅନେକ ରୋଗୀଙ୍କ ଠାରେ ଦୁର୍ବଳତା ତଥା କ୍ଲାନ୍ତି ଭଳି ସମସ୍ୟା ଦେଖାଯାଏ।

ଶରୀରରେ ଯନ୍ତ୍ରଣା- ଡାକ୍ତରଙ୍କ ଅନୁଯାୟୀ, କରୋନା ପଜିଟିଭ ଚିହ୍ନଟ ହୋଇଥିବା ଅନେକ ରୋଗୀଙ୍କ  ଶରୀରରେ ଯନ୍ତ୍ରଣା, ଗଣ୍ଠି ଯନ୍ତ୍ରଣା ଏବଂ ମାଂସପେଶୀ ଯନ୍ତ୍ରଣା ଭଳି ସମସ୍ୟା ଦେଖାଯାଉଛି । ଏହାର ଏକମାତ୍ର କାରଣ ହେଉଛି କରୋନା ଭୂତାଣୁ ମାଂସପେଶୀରେ ଥିବା ତନ୍ତୁ ଏବଂ ଟିସୁ ସ୍ତର ଉପରେ ମଧ୍ୟ ଆଟାକ୍ କରିଥାଏ । ଯାହା ଫଳରେ ଶରୀରରେ ଯନ୍ତ୍ରଣା ସୃଷ୍ଟି ହୋଇଥାଏ ।

ବାନ୍ତି ଲାଗିବା-  କୋଭିଡ ସଂକ୍ରମଣର ପ୍ରାରମ୍ଭିକ ପର୍ଯ୍ୟାୟରେ ବାନ୍ତି ଭଳି ଏକ ଲକ୍ଷଣ ଦେଖାଯାଉଛି ।

ମୁଣ୍ଡ ବୁଲାଇବା- କୋଭିଡ ସଂକ୍ରମଣ ହେତୁ ମୁଣ୍ଡ ବୁଲାଇବା, ଥକାପଣ, ପାଟିରୁ ଲାଳ ନବାହାରିବା ଏବଂ ବାନ୍ତି ଭଳି ସମସ୍ୟାର ସମ୍ମୁଖୀନ ହେଉଥିବା ନେଇ ଅନେକ ଲୋକ ପ୍ରକାଶ କରିଛନ୍ତି ।

ଏହା ବ୍ୟତୀତ ଚର୍ମରେ ଦାଗ, ଜିଭରେ ଦାଗ, ପାଟିରେ ଘା’ କିମ୍ବା ମୁଣ୍ଡବିନ୍ଧିବା ଭଳି ସମସ୍ୟା ମଧ୍ୟ କୋଭିଡ-୧୯ର ଅନ୍ୟତମ ଲକ୍ଷଣ ବୋଲି ବିଶେଷଜ୍ଞ ମାନେ ମତ ଦେଇଛନ୍ତି । ଯଦି ଆପଣ ମାନେ ମଧ୍ୟ ଶରୀରରେ ଏହିସବୁ ଲକ୍ଷଣ ଗୁଡ଼ିକ ଦେଖୁଛନ୍ତି ତେବେ ଭୟଭୀତ ହୁଅନ୍ତୁ ନାହିଁ । ସଙ୍ଗେସଙ୍ଗେ ଯାଇ କରୋନା ଟେଷ୍ଟ କରାଇ ନିଅନ୍ତୁ ।

Leave a Reply