ଫୁଟପାଥରେ ଲଗାଇପାରିବେନି ଠେଲା ଗାଡ଼ି 

ଭୁବନେଶ୍ବର: ଭୁବନେଶ୍ବରରେ ଫୁଟପାଥରେ ଲଗାଇପାରିବେନି ଠେଲା ଗାଡ଼ି  । ରାସ୍ତା ଉପରେ କିମ୍ବା ଡ୍ରେନ ଉପରେ କରିହେବନି ବ୍ୟବସାୟ । ଷ୍ଟ୍ରିଟ ଫୁଡ ଭେଣ୍ଡରଙ୍କ ପାଇଁ ନୂଆ ନିୟମ ଜାରି କରିଛି ବିଏମସି । ନିୟମ ନମାନିଲେ ଖିଲାପିଙ୍କ ବିରୋଧରେ ହେବ ଦୃଢ଼ କାର୍ଯ୍ୟାନୁଷ୍ଠାନ ।

ଗ୍ରାହକଙ୍କ ଗାଡ଼ି ପାର୍କିଂ ପାଇଁ ବିସ୍ତୃତ ଜାଗା ନଥିଲେ ଠେଲା ଗୁଡିକ ଖାଇବାକୁ ଦେଇପାରିବେ ନାହିଁ। ଏହାଦ୍ବାରା ପାର୍କିଂ ଟ୍ରାଫିକ ସମସ୍ୟା ସୃଷ୍ଟି ହେଉଛି  । ଏଣୁ ପାର୍ସଲ କିମ୍ବା ଅନଲାଇନ ଫୁଡ଼ ସର୍ଭିସ ବ୍ୟବସ୍ଥା କରିବାକୁ ନିର୍ଦ୍ଦେଶ ଦେଇଛି ବିଏମସି । ପରିମଳ ବ୍ୟବସ୍ଥା ସହ ନିଜ ଆଉଟଲେଟ ସାମନାରେ ଡଷ୍ଟବିନ ରଖିବା ବାଧ୍ୟତାମୂଳକ କରାଯାଇଛି ।

ଓଦା ଓ ଶୁଖିଲା ଅଳିଆ ଅଲଗା ରଖିବା ସହ ଅଳିଆ ଗାଡିକୁ ପ୍ରତିଦିନ ଅଳିଆ ଦେବାକୁ ନିର୍ଦ୍ଦେଶ ହୋଇଛି । ଏହାଛଡ଼ା ବ୍ୟବସାୟ ବେଳେ ସ୍ବଚ୍ଛତା ଉପରେ ଗୁରୁତ୍ବ ଦେବେ ଦୋକାନୀ । ଖାଦ୍ୟ ନିରାପତ୍ତା ନିୟମ ମାନିବା ଅନିର୍ବାର୍ଯ୍ୟ । ନୋ ଭେଣ୍ଡିଙ୍ଗ ଯୋନ ଏରିଆରେ କେହି ଖାଦ୍ୟ ଠେଲା ବା ଗାଡି ଲଗାଇ ବ୍ୟବସାୟ କରିପାରିବେ ନାହିଁ।