ମୋବାଇଲରେ ଆସୁନି ଓଟିପି, ଜାଣନ୍ତୁ କାହିଁକି ?

ନୂଆଦିଲ୍ଲୀ: ଅଜଣା କଲ ଉପରେ କେନ୍ଦ୍ର ସରକାରଙ୍କ କାର୍ଯ୍ୟାନୁଷ୍ଠାନ ପରେ ଏବେ ଟେଲିକମ କମ୍ପାନୀ ମଧ୍ୟ ଲାଗୁ କରିଛନ୍ତି ନୂଆ ନିୟମ । ଫଳରେ ଟେଲିକମ କମ୍ପାନୀ ଉପରେ ନିର୍ଭରଶୀଳ ଲକ୍ଷ ଲକ୍ଷ ଗ୍ରାହକ ପ୍ରଭାବିତ ହୋଇଛନ୍ତି । ଏହାଦ୍ବାରା ଓଟିପି ଆସିବାରେ ସମସ୍ୟା ସୃଷ୍ଟି ହେଉଛି । ଏହା ଏମିତି ଆଗକୁ କିଛି ଦିନ ଜାର ରହିବ ବୋଲି ଜଣାପଡିଛି ।

ଆବଶ୍ୟକ ପଡୁଥିବା ଆଧାର ଓଟିପି, କୋଭିଡ ଭ୍ୟାକସିନ ପାଇଁ ଓଟିପି ଏବଂ ଅନ୍ୟାନ ଜରୁରୀ ଓଟିପି ମଧ୍ୟ ଆସିବାରେ ସମସ୍ୟା ସୃଷ୍ଟି ହେଉଛି । ଯଦ୍ବାରା ତତ୍କାଳ ଆବଶ୍ୟକ ପଡୁଥିବା ଓଟିପି ଆସୁନାହିଁ ଏବଂ ଗ୍ରାହକ ପ୍ରଭାବିତ ହୋଇଛନ୍ତି ।

କାହିଁକି ହେଉଛି ସମସ୍ୟା, କାରଣ କ’ଣ ?

ଟାଇମ୍ସ ଅଫ ଇଣ୍ଡିଆର ରିପୋର୍ଟ ମୁତାବିକ, ଦୂର ସଂଚାର ନିୟାମକ ଟ୍ରାଇ ଉପଭୋକ୍ତାଙ୍କୁ ଆସୁଥିବା ଅବାଞ୍ଚିତ କଲ ଏବଂ ମିଥ୍ୟା ମେଜେସ ପାଇଁ ଏପରି ନୂଆ ନିୟମ ଲାଗୁ କରାଯାଇଛି । କେବଳ ଉପଭୋକ୍ତାଙ୍କ ରେଜିଷ୍ଟେଡ ନମ୍ବରଙ୍କୁ ପରିସର ଭୁକ୍ତ କରାଯାଇଛି । ରିଲାଆନ୍ସ, ଜିଓ, ଏଆରଟେଲ, ଭୋଡ଼ାଫୋନ ଏବଂ ଆଇଡିଆ ଏହି ନୂଆ ନିୟମକୁ ରବିବାର ରାତିରୁ ଲାଗୁ କରି ଦିଆଯାଇଛି ।

୨୦୧୯ରୁ ଲାଗୁ ହେବାକୁ ଥିଲା ଏହି ନୂଆ ନିୟମ । କିନ୍ତୁ ଫିସିଙ୍ଗ ଆଟାକ ଏବଂ ଅବାଞ୍ଛିତ କମର୍ସିଆଲ ସଂଚାରକୁ ବଢାଇବା ମାମଲାରେ ବର୍ତ୍ତମାନ ଏହାକୁ ଲାଗୁ କରିଛି ଟ୍ରାଇ ।

ସୋମବାର ଅଧିକାଂଶ ଗ୍ରାହକଙ୍କ ବିଭିନ୍ନ ପ୍ରକାର ସମସ୍ୟା ଦେଖାଯାଇଥିଲା । କିନ୍ତୁ ଟେଲିକମ କମ୍ପାନୀ ଗୁଡିକ ଏହି ଅଭିଯୋଗ ଉପରେ ନିଜର ପ୍ରତିକ୍ରିୟା ରଖିଛନ୍ତି । କହିଛନ୍ତି ଖୁବ ଜଲ୍ଦି ଏହି ସମସ୍ୟାର ସମାଧାନ କରାଯିବ । ଟ୍ରାଇ ମଧ୍ୟ ଏନେଇ ସ୍ପଷ୍ଟୀକରଣ ରଖିଛି । ଅଜଣା କଲ ଏବଂ ପ୍ରଡ କଲକୁ ରୋକିବା ଦିଗରେ ବିଭାଗ ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛି ।

Leave a Reply