ନନ୍ଦିଘୋଷ ବ୍ୟୁରୋ : ଅଗ୍ନିବୀରଙ୍କ ପାଇଁ ନୂଆ ନିୟମ।ସ୍ଥାୟୀ ସୈନିକ ହେବା ପୂର୍ବରୁ ବିବାହ ନିଷେଧ।ଅଗ୍ନିବୀର ଯୋଜନା ଅଧୀନରେ ସେନାରେ ନିଯୁକ୍ତି ପାଇଥିବା ଲକ୍ଷ ଲକ୍ଷ ଯୁବକ ସ୍ଥାୟୀ ସୈନିକ ହେବାକୁ ଲକ୍ଷ୍ୟ ରଖିଥାନ୍ତି।ହେଲେ ଯୋଜନା ଅଧିନରେ ବିଭିନ୍ନ ନିୟମ ପାଳନ କରିବାକୁ ନିର୍ଦ୍ଦେଶ ଦିଆଯାଇଛି। ଅଗ୍ନିବୀରମାନେ ସ୍ଥାୟୀ ନିଯୁକ୍ତି ନପାଇବା ପର୍ଯ୍ୟନ୍ତ ବିବାହ କରିପାରିବେ ନାହିଁ।ଯଦି ଜଣେ ଅଗ୍ନିବୀର ଏହି ପ୍ରକ୍ରିୟା ମଧ୍ୟରେ କିମ୍ବା ସ୍ଥାୟୀ ସୈନିକ ହେବା ପୂର୍ବରୁ ବିବାହ କରନ୍ତି, ତେବେ ସେମାନଙ୍କୁ ସ୍ଥାୟୀ ସେବା ପାଇଁ ଅଯୋଗ୍ୟ ବିବେଚନା କରାଯିବ। ଏପରି ଅଗ୍ନିବୀରମାନେ ସ୍ଥାୟୀ ସେବା ପାଇଁ ଆବେଦନ କରିପାରିବେ ନାହିଁ କିମ୍ବା ଚୟନ ପ୍ରକ୍ରିୟାରେ ଅଂଶଗ୍ରହଣ କରିପାରିବେ ନାହିଁ। ସ୍ଥାୟୀ ନିଯୁକ୍ତି ପାଇବା ପରେ ହିଁ ବିବାହ କରିପାରିବେ। ୪ ବର୍ଷର ସେବା ସମାପ୍ତ କରିବା ପରେ, ଅଗ୍ନିବୀରମାନେ ସମ୍ପୂର୍ଣ୍ଣ ସ୍ଥାୟୀକରଣ ପ୍ରକ୍ରିୟା ସମାପ୍ତ କରିବାକୁ ପ୍ରାୟ ୪ରୁ ୬ ମାସ ସମୟ ପାଇବେ।
