ସମୁଦ୍ରରେ ନୂଆ ଆବର୍ଜନା, ଜରିମାନା ବଢ଼ାଇଲେ ପରିବେଶ ମନ୍ତ୍ରୀ
ଫ୍ରାନ୍ସ: ବିଶ୍ୱ ମହାମାରୀ ପ୍ରଭାବରେ ପ୍ରାୟ ସାରା ବିଶ୍ୱ ଥିଲା ଲକ୍ଡାଉନ୍ରେ । ତେବେ କିଛି ଜାଗରେ ଧିରେ ପରିସ୍ଥିତି ସ୍ୱାଭାବିକ ହେଉଥିବା ବେଳେ ପର୍ଯ୍ୟାୟକ୍ରମେ ହଟାଯାଉଛି ଲକ୍ଡାଉନ୍ । ଏହି ଲକ୍ଡାଉନ୍ ସମୟରେ ଅତ୍ୟାବଶକୀୟ ସେବା ବତୀତ ଅନ୍ୟ ସବୁ କିଛି ବନ୍ଦ ଥିଲା । ଦୋକାନ ବଜାର, ସିନେମା ହଲ୍, କାରଖାନା ଏଭଳି କୃଷି କାମ ବି ବନ୍ଦ ଥିଲେ । ସାରା ବିଶ୍ୱ କରୋନା ପ୍ରଭାବରେ ଭୟରେ ଘରେ ଲକ୍ ହୋଇଯାଇଥିଲା । ନା ଗଡ଼ୁଥିଲା ଗାଡ଼ି ନା ଉଡ଼ୁଥିଲା ବିମାନ । ଆଉ ଏଥିଲାଗି ପରିବେଷ ପ୍ରଦୂଷଣ ମଧ୍ୟ ବହୁ ମାତ୍ରାରେ କମିଯାଇଥିଲା । ନଦୀ ସମୁଦ୍ର ସବୁ କିଛି ଆପେ ଆପେ ସ୍ୱଚ୍ଛ ହେବାରେ ଲାଗିଥିଲା । କିନ୍ତୁ ଏବେ ସମୁଦ୍ର ମଧ୍ୟରେ ଦେଖିବାକୁ ମିଳିଛି ନୂଆ ପ୍ରକାର ଆବର୍ଜନା ।
କରୋନାରୁ ବର୍ତ୍ତିବାକୁ ବ୍ୟବହାର କରାଯାଉଥିବା ମାସ୍କ, ପିପିଇ ଇକ୍ୟୁମେଣ୍ଟ ସବୁ ଏବେ ସମୁଦ୍ରରେ ଭାସୁଥିବା ଦେଖିବାକୁ ମିଳିଛି । ଫ୍ରାନ୍ସର ସ୍ୱେଚ୍ଛାକୃତ ସଫେଇ କର୍ମଚାରୀମାନେ ଏ କଥା ପ୍ରକାଶ କରିଛନ୍ତି । ଗଭୀର ସମୁଦ୍ରରେ ସଫେଇ କରୁଥିବା ବେଳେ ଏସବୁ ଦେଖଇବାକୁ ମିଳିଥିବା କହିଛନ୍ତି ସ୍ୱେଚ୍ଚାସେବୀ । ସେମାନଙ୍କ କହିବା ହେଲା ଯେ ,ଗତ ମାସେ ହେଲା ଆମେ ଏହି ମାସ୍କ ଓ ଗ୍ଳୋବସ୍ ସବୁ ଦେଖିବାକୁ ପାଉଛୁ । ଏହା ସମୁଦ୍ରରେ ଦେଖାଯାଉଥିବା ନୂଆ ଆବର୍ଜନା ବୋଲି କହିଛନ୍ତି ।
ଗତ ୮ ସପ୍ତାହର ଲକ୍ଡାଉନ୍ ପରେ ଲୋକମାନେ ବାହାରକୁ ବାହାରିଛନ୍ତି । ଘର ବାହାରକୁ ବାହାରିଲେ ଗ୍ଳୋବସ୍ ଓ ମାସ୍କ ସବୁ ବ୍ୟବହାର କରୁଛନ୍ତି । ଏବଂ ସେଗୁଡ଼ାକୁ ରାସ୍ତାଘାଟରେ ଫୋପାଡ଼ୁଛନ୍ତି । ଫଳେର ବର୍ଷା ହେବା ପରେ ସେସବୁ ଭାସିଯାଇ ସମୁଦ୍ରରେ ମିଶୁଛି ।
ତେବେ ଏହି ପରିସ୍ଥିତି ସମ୍ପର୍କରେ ଅବଗତ ହେବା ପରେ ସରକାର ଲୋକମାନଙ୍କୁ ସେମାନେ ବ୍ୟବହାର କରୁଥିବା ମାସ୍କ, ଗ୍ଳୋବସ୍ ସବୁ କୁ ଠିକ୍ ଭାବେ ନଷ୍ଟ କରିବାକୁ ପରାମର୍ଶ ଦେଇଛନ୍ତି । ତେବେ ଏଭଳି କରିବା ଦ୍ୱାରା ସଂକ୍ରମିଣ ହେବାର ଆଶଙ୍କା ଅଧିକ ବଢ଼ୁଥିବାର ଏଥିଲାଗି ଫ୍ରାନ୍ସ ସରକାରଙ୍କ ପରିବେଶ ମନ୍ତ୍ରୀ ଏଭଳି କରୁଥିବା ଲୋକଙ୍କ ଠାରୁ ଅଧିକ ସଂଖ୍ୟାରେ ଜରିମାନା ଆଦାୟ କରିବାକୁ ନିର୍ଦ୍ଦେଶ ଦେଇଛନ୍ତି ।
