ଓଡ଼ିଶା ସାହିତ୍ୟ ଏକାଡେମୀର ଐତିହାସିକ ନିଷ୍ପତ୍ତି

ଭୁବନେଶ୍ୱର: ଓଡ଼ିଶା ସାହିତ୍ୟ ଏକାଡେମୀର ଐତିହାସିକ ନିଷ୍ପତ୍ତି । ଲାଗୁ ହୋଇଛି ସଂଶୋଧିତ ପୁରସ୍କାର ନିୟମାବଳୀ । ୧୯୫୭ରେ ଏକାଡେମୀ ଗଠନ ବର୍ଷଠାରୁ ଗତବର୍ଷ ପର୍ଯ୍ୟନ୍ତ ଯେଉଁ ନିୟମ ଆଧାରରେ ପୁରସ୍କାର ପ୍ରଦାନ କରାଯାଉଥିଲା ତାହା ରାଜ୍ୟ ସରକାରଙ୍କ ଦ୍ବାରା ଅନୁମୋଦିତ ହୋଇନଥିବାରୁ ଏହା ଅସାମ୍ବିଧାନିକ ବୋଲି ପ୍ରଶ୍ନ ଉଠିଥିଲା । ଫଳରେ ଏକାଡେମୀର ବକେୟା ପୁରସ୍କାର ପ୍ରଦାନ ପ୍ରକ୍ରିୟା ଶିଥିଳ ହୋଇଥିଲା । ସଂଶୋଧିତ ନିୟମାବଳୀକୁ ତର୍ଜ୍ଜମା କରି ଏହାକୁ ଅନୁମୋଦନ କରି ତୁରନ୍ତ ଲାଗୁ କରିବାକୁ ନିର୍ଦ୍ଦେଶ ଦେଇଥିଲେ ସରକାର । ଲାଗୁ ହୋଇଥିବା ନୂତନ ନିୟମାବଳୀରେ ପୁରସ୍କାର ପ୍ରଦାନ ପ୍ରକ୍ରିୟାକୁ ସ୍ବଚ୍ଛ କରିବା ଦିଗରେ ପଦକ୍ଷେପ ନିଆଯାଇଛି ।

ଏହା ସହିତ ଭଲ ବହିକୁ ପୁରସ୍କାର ପରିଧିକୁ ଆଣିବାକୁ ପୁସ୍ତକର ଅବଧୀ ଯୋଗ୍ୟତା ୫ବର୍ଷକୁ ବୃଦ୍ଧି କରାଯାଇଛି । ଏକାଡେମୀ ସଦସ୍ୟଙ୍କୁ ଚୟନ ପ୍ରକ୍ରିୟାରେ ପ୍ରମୁଖତା ପ୍ରଦାନ କରାଯାଇଛି । କୌଣସି ଏକ ବିଭାଗରେ ବିଚାରକ ଭାବେ ଜଣେ ବ୍ୟକ୍ତି ୨ବର୍ଷ ରହିବାକୁ ନିଶିଦ୍ଧ କରାଯାଇଛି । ନିଜ ବହି ଦାଖଲ ଅନୁଚ୍ଛୁକ ଲେଖକଙ୍କ ପାଇଁ ହୋଇଛି ସ୍ବତନ୍ତ୍ର ବ୍ୟବସ୍ଥା । ଚୂଡ଼ାନ୍ତ ନିଷ୍ପତ୍ତି କାର୍ଯ୍ୟକାରୀ ପରିଷଦଠାରେ ନ୍ୟସ୍ତ କରାଯାଇଛି ।  ସେହିପରି ସଂଶୋଧିତ ନିୟମାବଳୀ ମୁତାବକ ପୁସ୍ତକ ବିବେଚନାର ଅବଧି ୩ରୁ ୫ ବର୍ଷକୁ ବୃଦ୍ଧି କରାଯାଇଛି  । ନିରପେକ୍ଷତା ଓ ସ୍ୱଚ୍ଛତାକୁ ପ୍ରାଧାନ୍ୟ ଦିଆଯାଇଛି  । ଏକାଡେମୀ ସଦସ୍ୟଙ୍କୁ ଚୟନ ପ୍ରକ୍ରିୟାରେ ପ୍ରମୁଖତା ପ୍ରଦାନ କରାଯାଇଛି  । ପୁସ୍ତକ ପ୍ରକାଶନ ବ୍ରଷର ପ୍ରାମାଣିକତାକୁ ଗୁରୁତ୍ୱ ଦିଆଯାଇଛି  । ଅନ୍ୟପଟେ ଜଣେ ବ୍ୟକ୍ତି ଲଗାତାର ୨ ବର୍ଷ ବିଚାରକ ରହିବା ଉପରେ ମଧ୍ୟ ଅଙ୍କୁଶ ଲାଗିଛି  ।