ଅମାନିଆ ଡ୍ରାଇଭର ସାବଧାନ ! ମହଙ୍ଗା ପଡିବ ନୂଆ ମୋଟର ଯାନ ଆଇନ, ନିୟମ ଉଲଙ୍ଘନ କଲେ ଗଣିବେ ତଣ୍ଡ

ଭୁବନେଶ୍ୱର: ଏଣିକି ସାବାଡ଼ ହେବେ ଅମାନିଆ ଡ୍ରାଇଭର  ।  ଅମାନିଆଙ୍କ ପାଇଁ ଲାଗୁ ହେବ ନୂଆ ନିୟମ । ସରକାରୀ ୱେବସାଇଟରେ ରହିବ ନିୟମ ଉଲଂଘନକାରୀଙ୍କ ସବୁ ତଥ୍ୟ ।  ବାରମ୍ବାର ଟ୍ରାଫିକ୍‌ ନିୟମ ଭାଙ୍ଗୁଥିବା ଚାଳକଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ।  ଅକ୍ଟୋବାର ପହିଲାରୁ ଲାଗୁ ହେବ ନୂଆ ନିୟମ ।

ଅମାନିଆ ଡ୍ରାଇଭର ସାବଧାନ

ମହଙ୍ଗା ପଡିବ ନୂଆ ମୋଟର ଯାନ ଆଇନ

ଟ୍ରାଫିକ ନିୟମ ଉଲଂଘନ କଲେ ତଣ୍ଡିବାକୁ ପଡିବ ଅଧିକ ଜରିମାନା

ସରକାରୀ ପୋର୍ଟାଲରେ ରହିବ ନିୟମ ଉଲଂଘନକାରୀଙ୍କ ତାଲିକା । ଗାଡି ଚଳାଇବା ବେଳେ ଟ୍ରାଫିକ ନିୟମ ଭାଙ୍ଗୁଛନ୍ତି କି । ଯଦି ଏହା ଆପଣଙ୍କ ଅଭ୍ୟାସଗତ ଭୂଲ ତେବେ ହୋଇଯଆନ୍ତୁ ସାବଧାନ । କାରଣ ଟ୍ରାଫିକ ନିୟମ ବାରମ୍ବାର ଭାଙ୍ଗିଲେ ଏଣିକି ଦେବାକୁ ପଡିବ ଦୁଇ ଗୁଣା ଜରିମାନା । ଥରେ ନିୟମ ଉଲଂଘନ କଲେ ସରକାରୀ ପୋର୍ଟାଲରେ ରହିବ ନିୟମ ଉଲଂଘନକାରୀଙ୍କ ସମସ୍ତ ତଥ୍ୟ । ଅମାନିଆ ଡ୍ରାଇଭରଙ୍କୁ ଏଣିକି ତଣ୍ଡିବାକୁ ପଡିବ ଅଧିକ ଜରିମାନା ।

ଗାଡି ଚଳାଇବା ବେଳେ ପାଖରେ ଗାଡିର କାଗଜ ପତ୍ର ନଥିଲେ ଏଣିକି ଜରିମାନା ଆଦାୟ କରି ହେବନି ।  ଡ୍ରାଇଭିଂ ଲାଇସେନ୍ସ ସମେତ , ଗାଡିର ଅନ୍ୟାନ୍ୟ କାଗଜ ପତ୍ରର ଡିଜିଟାଲ କପି ଦେଖାଇ ପାରିବେ ଚାଳକ ।  ଗାଡିର ରେଜିଷ୍ଟ୍ରେସନ , ଫିଟନେସ  ତଥା ପରମିଟ ଠିକ ଅଛି କି ନାହିଁ ତାହାର ସମସ୍ତ ତଥ୍ୟ ସରକାରୀ ପୋର୍ଟାଲରେ ଉପଲବ୍ଧ ରହିବ  । ଯାହାଫଳରେ ଗାଡି ଚାଳକ ସଚେତନ ହେବା ସହ ଦୁର୍ଘଟଣା ମଧ୍ୟ କମ୍ ହେବ ।

ନୂଆ ମୋଟର ଯାନ ଆଇନରେ ସାମାନ୍ୟ ପରିବର୍ତ୍ତନ କରାଯାଇଛି  । ଅକ୍ଚୋବର ୧ ତାରିଖରୁ କଡାକଡି ହେବ ଏହି ନିୟମ  ।  ଏହା ଫଳରେ ଦୁର୍ଘଟଣା କମ୍ ହେବ ବୋଲି ଆଶା କରାଯାଉଛି ।

Leave a Reply