ହିଂଜିଲିକାଟୁ ନୂଆଗଡ଼ରେ ନୂତନ ଜେଏମଏଫ୍ସି କୋର୍ଟ
1 min read
ଗଞ୍ଜାମ: ଗଞ୍ଜାମ ହିଂଜିଲିକାଟୁ ନୂଆଗଡ଼ ଠାରେ ନୂତନ ଜେଏମଏଫ୍ସି କୋର୍ଟ ଉଦ୍ଘାଟିତ । ନୂତନ କୋଠାକୁ ଉଦ୍ଘାଟନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଭିଡ଼ିଓ କନଫରେନ୍ସିଂ ମାଧ୍ୟମରେ ସଚିବାଳୟରୁ ସିଧାସଳଖ ଭାବେ ଏହି ନୂତନ କୋଠା ଉଦ୍ଘାଟନ କରିଛନ୍ତି ନବୀନ ।
5T ସଚିବ ଭି-କାର୍ତ୍ତିକେୟନ ପାଣ୍ଡିଆନ, ଓଡ଼ିଶା ଉଚ୍ଚ ନ୍ୟାୟାଳୟ ମୁଖ୍ୟ ବିଚାରପତି ଜଷ୍ଟିସ୍ ମହମ୍ମଦ ରଫିକ୍, ଓଡ଼ିଶାର ଉଚ୍ଚ ନ୍ୟାୟାଳୟ ବିଚାରପତି ଜଷ୍ଟିସ୍ ବିଶ୍ଵଜିତ୍ ମହାନ୍ତି, ଓଡ଼ିଶାର ଗୃହ ବିଭାଗ ରାଷ୍ଟ୍ରମନ୍ତ୍ରୀ କ୍ୟାପଟେନ୍ ଦିବ୍ୟ ଶଙ୍କର ମିଶ୍ର କାର୍ଯ୍ୟକ୍ରମରେ ଉପସ୍ଥିତ ରହିଥିଲେ ।
ଗଞ୍ଜାମ ଜିଲ୍ଲା ଜଜ୍ ରାମ ଶଙ୍କର ହୋତା, ଗଂଜାମ ଜିଲାପାଳ ବିଜୟ ଅମୃତ କୁଲାଙ୍ଗେ, ଗଞ୍ଜାମ ଜିଲ୍ଲା ଆରକ୍ଷୀ ଅଧିକ୍ଷକ ବ୍ରିଜେଶ ରାୟ, ଆସିକା ସାଂସଦ ପ୍ରମିଳା ବିଷୋୟୀ ଓ ସ୍ଥାନୀୟ ପ୍ରଶାସନ ପ୍ରମୁଖ ମଧ୍ୟ କାର୍ଯ୍ୟକ୍ରମରେ ଯୋଗ ଦେଇଥିଲେ । କୋର୍ଟ ଉଦ୍ଘାଟନ ପରେ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଅର୍ପଣ କରିବା ସହ କୃତଜ୍ଞତା ଜଣାଇଛନ୍ତି ହିଂଜିଲି ଓକିଲ ସଂଘ ।
