ଭୂତାଣୁ ଭୟରେ ଘରୁ ବାହାରିବାକୁ ସୁରକ୍ଷିତ ମଣୁନାହାନ୍ତି ଲୋକେ: ଘର ସାମ୍ନାରେ ପହଞ୍ଚିଲା ଦୋକାନ
ଦିଗପହଣ୍ଡି,(କାଳୁ ଚରଣ ନାହାକ) : ଅଦୃଶ୍ୟ ମହାମାରୀ ସହ ଲଢୁଛି ସାରା ରାଜ୍ୟ । ସଂକ୍ରମଣ ରୋକିବାକୁ ସବୁଠି ଲକଡାଉନ, ସଟଡାଉନ ସହ ଜାରି ରହିଛି କଣ୍ଟେନମେଣ୍ଟ କଟକଣା । ଆଉ ଏହି ସମୟରେ ଲୋକଙ୍କ ଯାତାୟାତ ଉପରେ ମଧ୍ୟ ଲାଗିଛି କଟକଣା । ଏହି ସମୟରେ ଲୋକଙ୍କ ଘର ନିକଟରେ ବିଭିନ୍ନ ସୁବିଧା ଯୋଗାଇଦେବା ପାଇଁ ସରକାରଙ୍କ ପକ୍ଷରୁ ପଦକ୍ଷେପ ଗ୍ରହଣ କରାଯାଇଛି । ଏଭଳି ସମୟରେ ଗଞ୍ଜାମ ଜିଲ୍ଲା ସାନଖେମୁଣ୍ଡିରେ ଜଣେ ରାଜମିସ୍ତ୍ରୀ ଆରମ୍ଭ କରିଛନ୍ତି ଟେଲି ରାସନ୍ ବ୍ୟବସ୍ଥା ।
ତେଲ, ପିଆଜଠାରୁ ଆରମ୍ଭ କରି ସବୁକିଛି ଘର ସମ୍ମୁଖରେ ପାଉଛନ୍ତି ଲୋକେ । ସାନଖେମୁଣ୍ଡିର ରାଜମିସ୍ତ୍ରୀ ବିଜୟ କୁମାର ମହାରଣା କାମ ଛାଡି ଗାଡିରେ ଦୋକାନ କରି ଗାଁ ଗାଁ ବୁଲି ଖାଦ୍ୟ ସାମଗ୍ରୀ ଓ ରାସନ ସାମଗ୍ରୀ ବିକ୍ରି କରୁଛନ୍ତି । ତେବେ ଏହି ସମୟରେ ସାମାଜିକ ଦୂରତା ଓ ସାନିଟାଇଜକୁ ଗୁରୁତ୍ୱ ଦେଉଛନ୍ତି । ଘରେ ନ ବସି ଏଭଳି ନିଆରା ରୋଜଗାର ପନ୍ଥାକୁ ଆପଣାଇଛନ୍ତି ବିଜୟ । ଗୋଟେ ଫୋନ କଲରେ ସବୁ ରାସନ ସାମଗ୍ରୀ ଘରେ ପହଞ୍ଚାଇଦେଉଛନ୍ତି ।
ଲକଡାଉନ ସମୟରେ ଦୋକାନ କମ୍ ସମୟ ଖୋଲା ରହୁଥିବାରୁ ଦୋକାନ ସମ୍ମୁଖରେ ଲମ୍ବା ଲାଇନ ଲାଗିଥାଏ । ଏପରିକି ଲମ୍ବା ଲାଇନ ପାଇଁ ଗୋଷ୍ଠୀ ସଂକ୍ରମଣ ବି ଭୟ ରହିଛି । ତେବେ ହାତ ପାହାନ୍ତରେ ସବୁ ପ୍ରକାର ସାମଗ୍ରୀ ହାତ ପାଆନ୍ତରେ ମିଳିବାରୁ ଖୁସି ପ୍ରଘଟ କରିଛନ୍ତି ଗୃହିଣୀ । ଆଗକୁ ପାସର ବ୍ୟବସ୍ଥଆ ମିଳିଲେ ସବୁଠି ପହଞ୍ଚିପାରନ୍ତା ବିଜୟଙ୍କ ଏହି ଟେଲି ରାସନ ଗାଡି ।
