୬୦ ବର୍ଷରୁ ଅଧିକ ବୟସ ଥିବା ବ୍ୟକ୍ତି ମେଡିକାଲ ମାସ୍କ ପିନ୍ଧିବାକୁ ପରାମର୍ଶ ଦେଲା WHO

ନୂଆଦିଲ୍ଲୀ: କରୋନା ନିୟନ୍ତ୍ରଣ ପାଇଁ WHOର ପଦକ୍ଷେପ । ମାସ୍କର ବ୍ୟବହାର ନେଇ ବିଶ୍ୱ ସ୍ୱାସ୍ଥ୍ୟ ସଂଗଠନ ନୂଆ ସୂତନ୍ତ୍ର ଗାଇଡଲାଇନ ଜାରି କରିଛି । ଗାଇଡଲାଇନରେ ରହିଛି ସ୍ୱାସ୍ଥ୍ୟ କର୍ମଚାରୀ ଓ ବୟସ୍କ ବ୍ୟକ୍ତି ମାନେ କ୍ଲିନିକାଲ ମାସ୍କ ପିନ୍ଧିବା ଜରୁରୀ । ସଂକ୍ରମିତଙ୍କ ସଂସ୍ପର୍ଶରେ ଆସୁଥିବା ମେଡିକାଲ କର୍ମଚାରୀ ମାସ୍କ ପିନ୍ଧିବା ଆବଶ୍ୟକ । ଏମିତିକି କୋଭିଡ ସଂକ୍ରମଣ ଓ୍ୱାର୍ଡରେ ମଧ୍ୟ ମାସ୍କ ପିନ୍ଧିବାକୁ କହିଛି WHO ।

ଗୋଷ୍ଠୀ ସଂସ୍ପର୍ଶରେ ଆସୁଥିବା ବ୍ୟକ୍ତି ଓ ୬୦ ବର୍ଷରୁ ଅଧିକ ବୟସ ଥିବା ବ୍ୟକ୍ତି ମେଡିକାଲ ମାସ୍କ ପିନ୍ଧିବେ । ମାସ୍କ ବ୍ୟବହାର ପାଇଁ ସରକାରୀସ୍ତରରେ ଉଦ୍ୟମ ହେଉ ବୋଲି କହିଛନ୍ତି WHOର ଡିରେକ୍ଟର ଜେନେରାଲ। ଜନଗହଳିପୂର୍ଣ୍ଣ ସ୍ଥାନରେ ମାସ୍କ ପିନ୍ଧିବାକୁ ଉତ୍ସାହିତ କରାଯାଉ । ଅଧିକ ସଂକ୍ରମଣ ଚିହ୍ନଟ ହେଉଥିବା ସ୍ଥାନରେ ମାସ୍କ ପିନ୍ଧିବା ଜାରୁରୀ ।

୩ ସ୍ତରର କପଡ଼ା ମାସ୍କ ବ୍ୟବହାର କରିବାକୁ ପରାମର୍ଶ ଦେଇଛି WHO । ୩ ସ୍ତରର କପଡ଼ା ମାସ୍କର ଭିତର କଟନ ଏବଂ ମଝି ପରସ୍ତଟି ପଲିପ୍ରପିଲିନ ମାଟେରିଆର କପଡ଼ା ରହିବା ଦରକାର । ଏହା ଦ୍ୱାରା କାଶିବା ବା ଛିଙ୍କିବା ଦ୍ୱାରା ବାହାରେ ନପଡ଼ି ସେହି ମାସ୍କ ମଧ୍ୟରେ ରହିଯିବ । ସେହିଭଳି ବାହାର ସ୍ତରଟି ପଲିଷ୍ଟର ମାଟେରିଆର ହେବା ଆବଶ୍ୟକ । ଏହାଦ୍ୱାରା ମାସ୍କରେ ବାହାର ପଦାର୍ଥ ଲାଗି ରହିବ ନାହିଁ । ଜଦି ଏଭଳି ମାସ୍କ ପିନ୍ଧିବା ସମ୍ବବ ହେଉନାହିଁ ତେବେ ଅଧି ପରସ୍ତ କରି କପଡ଼ା ମାସ୍କ ପିନ୍ଧିବାକୁ WHO ନୂଆ ଗାଇଡଲାଇନରେ କହିଛି । ଏହାସହ ମାସ୍କକୁ ବାରମ୍ଭାର ଧୋଇବା ଏବଂ ଠିକ୍‌ ଭାବରେ ପିନ୍ଧିବାକୁ ଗାଇଡଲାଇନରେ କୁହାଯାଇଛି  ।