ବିଦେଶରୁ ଭାରତ ଫେରୁଛନ୍ତି କି ? ଜାଣି ନିଅନ୍ତୁ ନୂଆ ନିୟମ
1 min read
ନୂଆଦିଲ୍ଲୀ: ଦେଶରେ ବଢ଼ୁଥିବା କୋଭିଡ୍ ସଂକ୍ରମଣ ଓ ଓମିକ୍ରନ୍ ମାମଲାକୁ ନେଇ କେନ୍ଦ୍ର ସରକାରଙ୍କ ନୂଆ ଗାଇଡଲାଇନ୍ । ବିଦେଶରୁ ଫେରୁଥିବା ଲୋକଙ୍କ ଲାଗି କେନ୍ଦ୍ର ସରକାର ନୂଆ ମାର୍ଗଦର୍ଶିକା ଜାରି କରିଛନ୍ତି । ଅନ୍ୟ ଦେଶରୁ ଆସୁଥିବା ଲୋକଙ୍କୁ ଲାଗି ୭ ଦିନିଆ ହୋମ୍ କ୍ୱାରେଣ୍ଟାଇନ୍ ବାଧ୍ୟତାମୂଳକ କରାଯାଇଛି । ଏହି ନୂଆ ଗାଇଡଲାଇନ୍ ଆସନ୍ତା ୧୧ ତାରିଖରୁ ଲାଗୁ ହେବ ।
ଏଥିସହ କେନ୍ଦ୍ର ସରକାର ବିପଦପୂର୍ଣ୍ଣ ଦେଶ ତାଲିକାରେ ଆଉ କିଛି ରାଷ୍ଟ୍ର ନାଁ ଯୋଡ଼ିଛନ୍ତି । ସମସ୍ତ ୟୁରୋପ ଦେଶ ସହ ୟୁକେ, ଦକ୍ଷିଣ ଆଫ୍ରିକା, ବ୍ରାଜିଲ୍, ବୋତ୍ସୱାନା, ଚୀନ, ଘାନା, ମରିସସ୍, ନ୍ୟୁଜିଲାଣ୍ଡ, ଜିମ୍ବାୱେ, ତାଞ୍ଜାନିଆ, ହଂକଂ, ଇସ୍ରାଏଲ୍, କଙ୍ଗୋ, ଇଥୋପିଆ, କାଜାଖାସ୍ତାନ, କେନିଆ, ନାଇଜେରିଆ, ତୁନିସିଆ ଓ ଜାମ୍ବିଆକୁ ସାମିଲ୍ କରାଯାଇଛି ।
୭ ଦିନର ଘରୋଇ ସଙ୍ଗରୋଧ ଶେଷରେ ବିଦେଶ ଫେରନ୍ତା ଆରଟି-ପିସିଆର୍ ଟେଷ୍ଟ କରିବେ । ବିଗତ ୨ ଦିନ ଧରି ଅମ୍ରିତସର ବିମାନବନ୍ଦରରେ ଗୋଟିଏ ଲେଖାଏ ଫ୍ଲାଇଟରୁ ଶହେରୁ ଅଧିକ କୋଭିଡ୍ ସଂକ୍ରମିତ ଚିହ୍ନଟ ହେବା ପରେ ଏହି ନୂଆ ଗାଇଡଲାଇନ୍ ଆସିଛି ।
କ’ଣ କରିବେ ବିଦେଶ ଫେରନ୍ତା ?
- ଭାରତ ଫେରିବା ପୂର୍ବରୁ ସେଲ୍ଫ ଡିକ୍ଲାରେସନ୍ ଫର୍ମ ଏୟାର ସୁବିଧା ପୋର୍ଟାଲରେ ଦେବେ । ଏଥିରେ ଫେରିବା ପୂର୍ବ ୧୪ ଦିନର ଯାତ୍ରା ବିବରଣୀ ରହିବ ।
- ଯାତ୍ରାର ୭୨ ଘଣ୍ଟା ମଧ୍ୟରେ ଆରଟି-ପିସିଆର୍ କୋଭିଡ୍ ନେଗେଟିଭ୍ ପ୍ରମାଣପତ୍ର ଅପଲୋଡ୍ କରିବେ ।
- ଯେଉଁମାନେ ବିମାନବନ୍ଦରରେ ଓହ୍ଲାଇବା ପରେ କୋଭିଡ୍ ଟେଷ୍ଟ ଚାହିଁବେ ସେଥିପାଇଁ ଏୟାର ସୁବିଧା ପୋର୍ଟାଲରେ ପୂର୍ବରୁ ବୁକିଂ କରିବାକୁ ପଡ଼ିବ ।
- ପ୍ରତି ଏୟାରଲାଇନର ୨ ପ୍ରତିଶତ ଯାତ୍ରୀଙ୍କ କୋଭିଡ୍ ଟେଷ୍ଟ ଏୟାରପୋର୍ଟରେ ପହଞ୍ଚିବା ପରେ କରାଯିବ । ରିପୋର୍ଟ ନେଗେଟିଭ୍ ଆସିବା ପରେ ଘରେ ୭ ଦିନ କ୍ୱାରେଣ୍ଟାଇନରେ ରହିବେ । ପୁଣି ଅଷ୍ଟମ ଦିନ ଆରଟି-ପିସିଆର୍ ଟେଷ୍ଟ କରିବେ ।
- ଅଷ୍ଟମ ଦିନରେ କରିଥିବା ଆରଟି-ପିସିଆର ଟେଷ୍ଟ ରିପୋର୍ଟକୁ ଏୟାର୍ ସୁବିଧା ପୋର୍ଟାଲରେ ଯାତ୍ରୀଙ୍କୁ ଅପଲୋଡ୍ କରିବାକୁ ପଡ଼ିବ ।
