ଯୋଗ ପ୍ରତିଷ୍ଠାନ ଏବଂ ଜିମ ପାଇଁ ଜାରି ହେଲା ନୂଆ ଗାଇଡଲାଇନ, ଜାଣନ୍ତୁ ନିୟମ
ଭୁବନେଶ୍ୱର: ଅନଲକ ୩ରେ ଫିଟନେସ୍ ଉପରେ ଅଧିକ ଗୁରୁତ୍ୱ ଦେଇଛନ୍ତି କେନ୍ଦ୍ର ସରକାର । ଆସନ୍ତା ୫ ତାରିଖରେ ଖୋଲିବ ଦେଶର ବିଭିନ୍ନ ସ୍ଥାନରେ ଯୋଗକେନ୍ଦ୍ର ଏବଂ ଜିମ । ତେବେ ଖୋଲିଲେ ମଧ୍ୟ କୋଭିଡ କଟକଣାକୁ ବଳବତର ରଖିବାକୁ ନିରର୍ଦ୍ଦେଶ ଦିଆଯାଇଛି । ଏନେଇ ଯୋଗ ପ୍ରତିଷ୍ଠାନ ଏବଂ ଜିମ ପାଇଁ କେନ୍ଦ୍ର ସରକାର ଜାରି କରିଛନ୍ତି ନୂଆ ଗାଇଡଲାଇନ । କରୋନା ସଂକ୍ରମଣକୁ ଦୃଷ୍ଟିରେ ରଖି ଯୋଗ କେନ୍ଦ୍ର ଭିତରେ ଏବଂ ଜିମ ମଧ୍ୟରେ କେହି କାହା ସଂସ୍ପର୍ଶରେ ଆସିବେ ନାହିଁ ।
ସାମାଜିକ ଦୂରତା ଏବଂ ଯଥେଷ୍ଟ ସୁରକ୍ଷା ବ୍ୟବସ୍ଥା ଭିତରେ ଯୋଗ କେନ୍ଦ୍ର ଓ ଜିମ୍ ଚାଲିପାରିବ । ପରସ୍ପର ଭିତରେ ଅତି କମରେ ୬ଫୁଟ ଦୂରତା ବଜାୟ ରହିବ । ଜିମ ଏବଂ ଯୋଗ କେନ୍ଦ୍ର ଭିତରେ ମାସ୍କ ବ୍ୟବହାର ବାଧ୍ୟତାମୂଳକ ରହିଛି । ଜିମ ମଧ୍ୟରେ ବ୍ୟାୟାମ ସରିବା ପରେ ସମସ୍ତ ସାମଗ୍ରୀ ବିଶୋଧନ ହେବା ସୁନିଶ୍ଚିତ ବୋଲି ଗାଇଡଲାଇନରେ ନିର୍ଦ୍ଦେଶ ଦିଆଯାଇଛି ।
ଏହି ଗାଇଡଲାଇନରେ ବୟଷ ଉପରେ ଅଧିକ ଗୁରୁତ୍ୱ ଦିଆଯାଇଛି । ଯୋଗ କେନ୍ଦ୍ର ଏବଂ ଜିମ ମଧ୍ୟରୁ ୧୦ ଏବଂ ୬୫ ବର୍ଷର ବ୍ୟକ୍ତିଙ୍କୁ ଜିବାକୁ ବାରଣ କରାଯାଇଛି । ସାନିଟାଇଜର ଏବଂ ମାସ୍କକୁ ବାଧ୍ୟତାମୂଳକ କରାଯାଇଥିବା ବେଳେ ଯୋଗ ପାଇଁ ମ୍ୟାଟକୁ ବାରଣ କରାଯାଇଛି । ସେପଟେ ଏହି ସବୁ କଟକଣା ମଧ୍ୟରେ ଖୋଲିବ ଯୋଗ କେନ୍ଦ୍ର ଏବଂ ଜିମ ।
