ଆଜିଠୁ ମେଘାଳୟ ଓ ନାଗାଲାଣ୍ଡରେ ନୂଆ ସରକାର, ଶପଥ ନେବେ ଉଭୟ ରାଜ୍ୟର ମୁଖ୍ୟମନ୍ତ୍ରୀ
1 min read
ନୂଆଦିଲ୍ଲୀ: ଆଜିଠୁ ମେଘାଳୟ ଓ ନାଗାଲାଣ୍ଡରେ ଆରମ୍ଭ ହେବ ନୂଆ ସରକାର। ଶପଥ ନେବେ ଉଭୟ ରାଜ୍ୟର ମୁଖ୍ୟମନ୍ତ୍ରୀ । ଦିନ ୧୧ଟାରେ ମେଘାଳୟର ମୁଖ୍ୟମନ୍ତ୍ରୀ ଭାବେ ଶପଥ ନେବେ ନ୍ୟାସନାଲ ପିପୁଲ୍ସ ପାର୍ଟିର ମୁଖ୍ୟ କେ. ସାଙ୍ଗମା । ନିର୍ବାଚନରେ ୨୬ଟି ଆସନ ଜିତି ନ୍ୟାସନାଲ ପିପୁଲ୍ସ ପାର୍ଟି ଏକକ ସଂଖ୍ୟା ଗରିଷ୍ଠତା ହାସଲ କରିଛି । ସେପଟେ ପଞ୍ଚମ ଥର ପାଇଁ ନାଗାଲାଣ୍ଡର ମୁଖ୍ୟମନ୍ତ୍ରୀ ଭାବେ ଶପଥ ନେବେ ଏନଡିପିପି ସୁପ୍ରିମୋ ନେଫିଉ ରିଓ । ଏସ୍ସି ଜମିରଙ୍କ ୩ ଥରର ରେକର୍ଡକୁ ଭାଙ୍ଗିଛନ୍ତି ନେଇଫିଉ ରିଓ । ଦିନ ଗୋଟାଏ ୪୫ ମିନିଟରେ ସେ ଶପଥ ଗ୍ରହଣ କରିବାର କାର୍ଯ୍ୟକ୍ରମ ରହିଛି ।
ନାଗାଲାଣ୍ଡର ମୋଟ ୬୦ ଆସନରୁ ଏନଡିପିପି-ବିଜେପି ମେଣ୍ଟ ୩୭ ଆସନରେ ବିଜୟ ଲାଭ କରି ସରକାର ଗଢ଼ୁଛି । ସେପଟେ ଆସନ୍ତାକାଲି ତ୍ରିପୁରାରେ ଶପଥ ନେବ ମାଣିକ ସରକାର । ୬୦ ଆସନରୁ ଆଇପିଫଟି-ବିଜେପି ମେଣ୍ଟ ୩୨ଟି ଆସନରେ ବିଜୟ ଲାଭ କରି ସରକାର ଗଢୁଛି । ତ୍ରିପୁରାରେ ପୁଣିଥରେ ମାଣିକ ଶାହା ମୁଖ୍ୟମନ୍ତ୍ରୀ ଭାବେ ଶପଥ ନେବେ । ଆସନ୍ତାକାଲି ଦିନ ୧୧ଟାରେ ଶପଥ ଗ୍ରହଣ ଉତ୍ସବ ଆୟୋଜିତ ହେବ ।
