ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରୁ ପୁଣି ନବଜାତକ ଗାଏବ

ନୟାଗଡ଼: ରଣପୁର ବ୍ଲକ ରାଜସୁନାଖଳା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରୁ ନବଜାତ ଶିଶୁ ଗାଏବ। ନବଜାତ ଶିଶୁ ପୁତ୍ରକୁ ଚୋରି କରାଯାଇଥିବା ନେଇ ଅଭିଯୋଗ ହେବା ପରେ ମେଡିକାଲରେ ତନାଘନା ଆରମ୍ଭ ହୋଇଛି। ଜନ୍ମ ହେବାର କିଛି ସମୟ ପରେ ନବଜାତ ଶିଶୁକୁ କିଏ କେଉଁଆଡ଼େ ନେଲା ତାକୁ ନେଇ ଖୋଳତାଡ଼ ଚାଲିଛି।

ବୋଲଗଡ଼ ଗୋଡ଼ଭଙ୍ଗା ଗାଁର ବିଜୟ କୁମାର ପରିଡ଼ାଙ୍କ ପତ୍ନୀ ସୁଚିସ୍ମିତା ପରିଡ଼ା ପ୍ରସବଜନିତ ଯନ୍ତ୍ରଣା ଭୋଗିବାରୁ ଗତକାଲି ରାଜସୁନାଖଳା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି ହୋଇଥିଲେ l ଆଜି ନବଜାତ ଶିଶୁ ଜନ୍ମ ହୋଇଥିଲା l ହେଲେ କିଛି ସମୟ ପରେ ନବଜାତ ଶିଶୁ ଗାଏବ ହୋଇଥିବା ନେଇ ମେଡିକାଲରେ ତନାଘନା ଚାଲିଛି l

ଶିଶୁ ପୁତ୍ରକୁ କିଏ ଚୋରି କରି ନେଇଯାଇଛି ବୋଲି ପରିବାର ଲୋକେ ଅଭିଯୋଗ ଆଣିଛନ୍ତି l ମେଡିକାଲ କର୍ତ୍ତୃପକ୍ଷ CCTV ଯାଞ୍ଚ କରି କରିବା ସହ ତଦନ୍ତ ଜାରି ରଖିଛନ୍ତି l