ରାଜ୍ୟ ବିହନ ପରୀକ୍ଷାଗାର ପରିସରରେ ନୂତନ ପ୍ରଶାସନିକ ଗୃହ ଓ କୃଷକ ଆବାସ ଉଦଘାଟିତ

ଭୁବନେଶ୍ୱର: ପବିତ୍ର ଅକ୍ଷୟ ତୃତୀୟା ଦିବସ ଅବସରରେ ରାଜ୍ୟ ବିହନ ପରୀକ୍ଷାଗାରର ପରିସରରେ ନୂତନ ପ୍ରଶାସନିକ ଗୃହ ଓ କୃଷକ ଆବାସ ଉଦଘାଟନ ହୋଇଛି ।  କୃଷି ଓ କୃଷକ ସଶକ୍ତିକରଣ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ଵାଇଁଙ୍କ ସହ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ଏହି ଗୃହକୁ ଉଦଘାଟନ କରିଛନ୍ତି । ଆଜିଠୁ ଆରମ୍ଭ ହେଉଥିବା ନୂତନ ସେବା ଦ୍ଵାରା କୃଷକ ଅନେକ ସୁବିଧା ପାଇବେ ଏବଂ ପରୀକ୍ଷାଗାରର କ୍ଷମତା ଓ ଦକ୍ଷତା ବଢିବ ବୋଲି କହିଛନ୍ତି ମନ୍ତ୍ରୀ ।

ଉଦଘାଟିତ ହୋଇଥିବା କୃଷକ ଗୃହ ସମ୍ପୂର୍ଣ୍ଣ ଚାଷୀଙ୍କ ପାଇଁ ଉଦ୍ଦିଷ୍ଟ । ଏବେ ବାର୍ଷିକ ହାରାହାରି ୧୪ ହଜାର ବିହନ ନମୁନା ପରୀକ୍ଷା କରାଯିବାର କ୍ଷମତା ରହିଛି ପରୀକ୍ଷାଗାରରେ। ଏହାସହ ପରୀକ୍ଷାଗାରରେ ଏକ ଜିନ୍ ବ୍ୟାଙ୍କ ରହିଛି । ଯେଉଁଥିରେ ରାଜ୍ୟ ମଧ୍ୟରୁ ଧାନ ଓ ଅଣଧାନ ଫସଲର ୧୩୬୧ଟି ଦେଶୀ ବିହନ ସଂଗୃହୀତ ହୋଇଛି । ଏସବୁ ସଂଗୃହୀତ ଜିନ୍ ବ୍ୟବହାର କରି ଭବିଷ୍ୟତ ପାଇଁ ଉନ୍ନତ କିସମର ବିହନ ବାହାର କରାଯାଇ ପାରିବ ବୋଲି କହିଛନ୍ତି କୃଷିମନ୍ତ୍ରୀ।