ଦେଶରେ ଦିନକରେ ୩୨ ହଜାରରୁ ଉର୍ଦ୍ଧ୍ୱ ପଜିଟିଭ, ୪୦୨ ମୃତ
ନୂଆଦିଲ୍ଲୀ: ଦେଶରେ ଦିନକୁ ଦିନ ଖସିବାରେ ଲାଗିଛି କରୋନା ଗ୍ରାଫ୍। ଦିନକରେ ୩୨ହଜାର ୦୮୦କରୋନା ପଜିଟିଭ ଚିହ୍ନଟ ହୋଇଥିବା ବେଳେ ୪୦୨ଜଣଙ୍କ ମୃତ୍ୟୁ ହୋଇଛି । ଏନେଇ କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ମିଳିଛି ।
ଦେଶରେ ମୋଟ୍ କରୋନା ସଂକ୍ରମିତଙ୍କ ସଂଖ୍ୟା ୯୭ ଲକ୍ଷ ୩୫ହଜାର ୮୫୦ରେ ପହଞ୍ଚିଥିବା ବେଳେ ମୃତ୍ୟୁ ସଂଖ୍ୟା ଲକ୍ଷେ ୪୧ ହଜାର ୩୬୦କୁ ବୃଦ୍ଧି ହୋଇଛି । କରୋନାରୁ ସୁସ୍ଥ ହେଲେଣି ୯୨ ଲକ୍ଷ ୧୫ ହଜାର ୫୮୧ । ଏଥିସହିତ ଆକ୍ଟିଭ କେସ୍ ରହିଛି ୩ ଲକ୍ଷ ୭୮ହଜାର ୯୦୯ ।
ସେହିପରି ମହାରାଷ୍ଟ୍ରରେ ଦିନକରେ ୪ହଜାର ୨୬ ସଂକ୍ରମିତ ଚିହ୍ନଟ ହୋଇଥିବା ବେଳେ ୫୩ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି । କେରଳରେ ଦିନକରେ ସର୍ବାଧିକ ୫ହଜାର ୩୨ ସଂକ୍ରମିତ ଚିହ୍ନଟ ହୋଇଥିବା ବେଳେ ୩୧ଜଣଙ୍କ ଜୀବନ ନେଇଛି ମହାମାରୀ । ଦିଲ୍ଲୀରେ ୩ହଜାର ୧୮୮ ସଂକ୍ରମିତ ଚିହ୍ନଟ ହୋଇଥିବା ବେଳେ ୫୭ ଜଣଙ୍କ ମୃତ୍ୟୁ ହୋଇଛି ।
