‘କ୍ଷତିପୂରଣ ନମିଳିଲେ ଜମି ଛାଡ଼ିବୁନି’

ପାରଳାଖେମୁଣ୍ଡି: ଗଜପତି ଜିଲ୍ଲାପାଳଙ୍କୁ ସାକ୍ଷାତ କଲେ ନେରେଡି ବ୍ୟାରେଜ ବିସ୍ଥାପିତ । ବଂଶଧାରା ନଦୀରେ ନେରେଡି ବ୍ୟାରେଜ ନିର୍ମାଣ ନେଇ ବିସ୍ଥାପିତ ମାନେ ଜିଲ୍ଲାପାଳଙ୍କୁ ଭେଟିଛନ୍ତି । ଟ୍ରିବୁନାଲ ଆନ୍ଧ୍ରକୁ ଅନୁମତି ଦେବା ପରେ କ୍ଷତିଗ୍ରସ୍ତ ହେଉଥିବା ଓଡ଼ିଶାର ୧୦୬ ଏକରୁ ଊର୍ଦ୍ଧ୍ୱ ଜମିର ଚାଷୀ ଏବେ ଚିନ୍ତାରେ ରହିଛନ୍ତି । ଏନେଇ ଆଜି ଏକ ପ୍ରତିନିଧି ଦଳ ଜିଲ୍ଲାପାଳଙ୍କୁ ସାକ୍ଷାତ କରିବା ସହ ଆଲୋଚନା କରିଛନ୍ତି ।

ସରକାରଙ୍କୁ ସହଯୋଗ କରିବାକୁ ବିସ୍ଥାପିତ ସହମତି ପ୍ରକାଶ କରିଥିବା ବେଳେ ଉପଯୁକ୍ତ କ୍ଷତିପୂରଣ ନମିଳିଲେ ଜମି ଛାଡ଼ିବେ ନାହିଁ ବୋଲି ଦୃଢ଼ୋକ୍ତି ପ୍ରକାଶ କରିଛନ୍ତି । ତେବେ ବିସ୍ଥାପିତ ପରିବାରକୁ ପଲ୍ଲୀସଭା ମାଧ୍ୟମରେ ଆଲୋଚନା କରି କ୍ଷତିପୂରଣ ମୂଲ୍ୟ ଧାର୍ଯ୍ୟ କରାଯାଉ ଏବଂ ଏଥିସହିତ କ୍ଷତିଗ୍ରସ୍ତ ପରିବାରର ଜଣେ ସଦସ୍ୟଙ୍କୁ ଚାକିରି ଦେବା ପାଇଁ ଦାବି ଜଣାଇଛନ୍ତି ।