ନେପାଳରେ ବର୍ଷା ବିତ୍ପାତ, ଭୂସ୍ଖଳନ ନେଲା ୧୪ ଜୀବନ

ବ୍ୟୁରୋ ରିପୋର୍ଟ: ନେପାଳରେ ବର୍ଷା ବିତ୍ପାତ। ବିଭିନ୍ନ ସ୍ଥାନରେ ବନ୍ଯା ଓ ଭୂସ୍ଖଳନରେ ପ୍ରାଣ ହରାଇଛନ୍ତି ୧୪ ଜଣ। ଅନେକ ରାଜପଥ ଭାସିଯିବା ଯୋଗୁଁ ହଜାର ହଜାର ଯାନବାହନ ଅଟକି ରହିଛି। କେବଳ ଭୂସ୍ଖଳନରେ ୮ ଜଣ ପ୍ରାଣ ହରାଇଛନ୍ତି ବୋଲି କହିଛି ଗୃହ ବ୍ଯାପାର ମନ୍ତ୍ରାଳୟ ଅଧୀନସ୍ଥ ଜାତୀୟ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷ। ବିଭିନ୍ନ ନଦୀରେ ବନ୍ଯା ଆସିବା ଯୋଗୁଁ ହଜାର ହଜାର ଲୋକ ହୋଇଛନ୍ତି ବିପନ୍ନ। ୪୪ଟି ସ୍ଥାନରେ ଭୂସ୍ଖଳନ ହୋଇଥିବା ସୂଚନା ମିଳିଛି।

ବିଶେଷ କରି ଲାମଜଙ୍ଗରେ ସ୍ଥିତି ବିଷମ ହୋଇଛି। ବିପନ୍ନ ଲୋକଙ୍କ ଉଦ୍ଧାର ଲାଗି ବିଭିନ୍ନ ବାହିନୀ ନିୟୋଜିତ ହୋଇଛି। ପାହାଡିଆ ଅଞ୍ଚଳରେ ରହୁଥିବା ଲୋକମାନେ ବିଶେଷ କ୍ଷତିଗ୍ରସ୍ତ ହୋଇଛନ୍ତି।